5個最佳情侶特質！情人節送自己最「體貼」嘅愛意畀另一半！

By Ivory on 08 Feb 2019

Digital Editor

拍着照片，一路同步坦白流露，感情和態度。其實人生並非虛耗！

愛一個人，唔係空口說白話，將「我愛你」掛喺嘴邊就係愛？真正愛一個人係要同甘共苦、體貼、包容佢嘅缺點，放大佢嘅優點，路先能夠走得遠。一齊耐咗感覺變淡？唔好將對方嘅好變成理所當然，周不時「溫故知新」，一齊睇番以前嘅相，回憶吓當初一齊時候嘅甜蜜快樂，不時要為對方製造驚喜，你哋嘅感情先可以不斷發酵，最後釀成醇厚、有韻味嘅愛情。

維繫一段關係，唔止要互相包容，更要時刻進步。依家就睇下網民認為最佳男、女朋友要有邊5種主要特質！

最佳男朋友特點

1.細心照顧對方每個需要

一個男仔夠細心已經贏咗一半！當女仔唔舒服嘅時候，你主動陪住佢，帶佢睇醫生；每逢「返風落雨」，都會主動提佢添衣、幫佢撐傘，為佢遮風擋雨！畀個女仔覺得，佢係你生命中嘅第一位，被捧喺手心嘅「掌上明珠」。

2.體諒

除咗細心，身為男士更要識得體諒對方。尤其是女性「姨媽到」嘅時候，情緒可能會大起大落，個肚又會唔舒服，你嘅體諒有助紓緩佢情緒化嘅情況。

3.不斷製造驚喜

為愛人製造驚喜，係維持一段關係嘅最重要元素！一齊耐咗，大家都習以為常，放工食完飯就返屋企；星期六日就喺屋企休息。驚喜，就係為大家嘅生活增添色彩，減低因為生活沉悶、雙方感情變淡而分手嘅危機！

4.愛給對方擁抱

有人話，鍾意你嘅人自然會多身體接觸，而擁抱正正係清楚表達愛意嘅行動。藉住擁抱，畀對方感受到你身體嘅氣溫、氣味；你用你嘅身軀包住對方，唔單止有保護嘅感覺、傳遞到安全感，仲充滿愛！每次講再見、表達愛意嘅時候記得畀對方一個擁抱啦！

5.呵護（摸頭髮）

唔少女仔都好鍾意男朋友摸自己個頭，撫摸下把秀髮，有被寵溺嘅感覺，就好似韓劇入面男女主角咁，好浪漫，好有愛！

但係點先夠呵護十足？你就要好似一個靚風筒咁！

Photo from Panasonic

Panasonic嘅「礦物納米離子護髮」風筒，夠晒細心同滿有驚喜。愛情要懂得收放自如，風筒都一樣，要恰到好處，佢擁有智能控溫模式，可以偵測四周嘅氣溫，自動調節合適嘅吹髮溫度，咁就唔會過熱啦！另外，佢仲有面部護理模式，可以吹出用於護膚嘅微弱冷風，當中嘅nanoe™納米離子科技（含水量比負離子高出約1,000倍）可以保持肌膚柔潤，做到完美「呵護」，令頭髮同肌膚免被風筒嘅熱力而受傷，夠晒「體貼」同「細心」！

而且佢使用外置獨立礦物離子雙管道同納米離子管道，避免離子直接受熱而流失！配合nanoe™納米離子感應板，有效令離子吸附喺頭髮上，令水份更易滲透落髮芯。呢個風筒有埋雙重礦物離子（鋅）可以收緊毛鱗片，令頭髮表面更加順滑，打造能夠抵禦紫外線傷害，以及光滑強韌秀髮添！

Panasonic嘅「礦物納米離子護髮」風筒唔單止可以全面保護你女朋友嘅柔嫩肌膚，仲可以修護為咗喺你面前盡顯完美而導致受損嘅秀髮。身為男朋友嘅你，情人節就買走Panasonic嘅「礦物納米離子護髮」風筒，展現「你」溫柔呵護嘅一面。

講到情人節，相傳係男女雙方交換定情禮物嘅日子，所以講完「最佳男朋友」特質，點可以唔講埋「最佳女朋友」特點呢？

最佳女朋友特點：

1.只愛男友一個

我諗呢個唔洗多講，做得女朋友首要嘅條件就係放自己嘅男朋友喺重要嘅位置！

2.好的聆聽者

身為女朋友唔能夠只係一味要佢「聽你話」，你都要聽下佢有咩講、有咩呻，留意佢會唔會唔開心。正所謂，男人都有唔開心嘅時候，花多啲時間同對方溝通，先會更了解彼此，加深大家嘅感情！

3.會畀空間對方

愛一個人唔需要時時刻刻痴住對方，畀足夠嘅空間對方，等大家都有思考、獨處嘅時間，更可以避免相處太耐而引起嘅摩擦。

4.夠慳，但會花錢喺對方身上

好多女仔寧願自己食少啲、食平啲，都會儲錢買嘢送畀對方，尤其係生日、情人節等嘅節日，完美表現珍惜對方，同超級有愛嘅表現！

5.體貼溫柔

當別人嘅女朋友，要盡量學識多為對方著想，嘗試以對方嘅角度出發，留意佢嘅需要。得閒惡下無傷大雅，但有時候都要學做小鳥依人，帶畀對方唔同嘅感覺，保持新鮮感，彼此嘅關係先可以更上一層樓！

身為女朋友嘅你，就要學識好似一個優質嘅電鬚刨咁溫柔「體貼」你嘅另一半！

Photo from Panasonic

Panasonic LAMDASH超高速磁力驅動電鬚刨擁有獨立浮動3刀頭同埋「偵感」刀頭震動系統，自動感應鬍鬚密度，調節震動幅度，令你另一半剃鬚嘅時候可以剃得更貼服、更乾淨；而且佢使用高速磁力驅動摩打，每分鐘推動13,000次，使用後仲可以用水清洗，非常方便！最重要係佢日本製造，而且價錢實惠，送禮一定唔失禮啦！

情人節做個「最佳女朋友」，全方位照顧男朋友嘅需要，體貼得嚟又唔會傷害到佢，盡情展示「你」溫柔體貼嘅一面啦～

Photo from Panasonic