人生必試！英國人氣「恐龍陪睡」體驗 博物館過夜唔再係夢！

提起博物館，唔少人一定記得2007年上映嘅電影《翻生侏羅館》，電影入面展品一到夜晚就會翻生同主角傾偈、玩等等.....唔知當年有冇同小編一樣有一個想住喺博物博一晚，一探究竟呢？

Photo from 電影《翻生侏羅館3：古墓的秘密》

而近年唔少博物館亦有推出夜遊活動畀大家體驗，允許遊客在博物館中過夜。當中最受歡迎嘅一定數位於英國倫敦嘅自然歷史博物館中嘅「恐龍陪睡」（Dino Snores）活動，呢個活動無論係大人定細路都可以參加。

Photo from Natural History Museum

依個活動喺博物館近年人氣好高。試諗吓夜麻麻仲可以留喺博物館過夜，真係諗吓都興奮呀！

Photo from Natural History Museum

參加者可以自由選擇鍾意嘅化石或標本，喺嗰個位置附近露營。

Photo from Natural History Museum

活動中博物館仲會提供美食同飲品，有時仲會有音樂表演或電影放映等活動。

Photo from Natural History Museum

喺中央大廳嘅126歲藍鯨標本係博物館嘅鎮館之寶。

Photo from Natural History Museum

參加者喺中央大廳露營時，仲可以體驗科技Show、Talk Show等等，真可以話係愈夜愈精彩呀！

Photo from Natural History Museum

Photo from Natural History Museum

另外，依個活動7到11歲的嘅小朋友都可以參加。

Photo from Natural History Museum

小朋友嘅露營區被設喺中央大廳，整座博物館景觀最好嘅地方。

Photo from Natural History Museum

佢哋仲可以玩探險活動，用手中嘅電筒，尋找黑暗中恐龍嘅骨架。科學家仲會帶小朋友們了解博物館中嘅展品。

Photo from Natural History Museum

最後提提大家，如果大家都想體驗一下依個咁特別嘅博物館之夜，最好都係提前去官網買定飛喇！事關依個活動真係太受歡迎，依家買飛最快都要7月先有位喇！

Source：London Natural History Museum

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）