「港版羅拉」上內地相親節目牽手成功！仙氣造型獲激讚！

「港版羅拉」朱芊佩獲譽為香港最美搬運工，唔止喺香港嘅知名度上升，喺內地都同樣咁受歡迎。早前佢就參加咗內地嘅一個相親節目《新相親大會》。

朱芊佩喺開場嘅自我介紹vcr度提到自己搬運工嘅職業令一眾嘉賓大為驚訝。

Photo from 《新相親大會》

而且佢表示自己之前有兩次戀愛經歷但都唔太愉快，擇偶條件係希望搵一個腳踏實地，頂天立地嘅男子漢，希望對方可以尊重自己嘅職業，因為呢個係佢嘅興趣，無論戀愛定結婚都唔打算放棄。

Photo from 《新相親大會》

朱芊佩著白色裙、化妝出場，造型充滿仙氣。一眾男嘉賓都大讚佢可愛！

Photo from 《新相親大會》

Photo from 《新相親大會》

不過佢嘅職業令唔少男嘉賓父母卻步，去到最後淨返2號同3號候選人。

其中3號男嘉賓媽媽就認為朱芊佩「必須放棄」佢搬運工嘅職業，但3號男嘉賓爸爸就話：「我會格外照顧這個女嘉賓！」

Photo from 《新相親大會》

Photo from 《新相親大會》

而兩位男嘉賓出場之後分別向朱芊佩表白，其中3號話最鍾意佢有「堅韌的靈魂」，令朱芊佩大受感動。

到最後牽手環節，朱芊佩毫不猶豫咁連講兩次「3號，3號」，最終牽手成功！

Photo from 《新相親大會》

而3號男嘉賓更以超浪漫「公主抱」將羅拉抱落台添！之後受訪，羅拉話被「堅韌的靈魂」呢句打動到，所以決定揀3號。

Photo from 《新相親大會》

Photo from 《新相親大會》

辛苦咁耐終於搵到一個照顧佢嘅人，希望羅拉可以幸福啦！

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）