絕世好友！田蕊妮出新碟 拍檔曹永廉第一時間下載網上版

最近推出新碟嘅田蕊妮不時親身宣傳，仲叫埋身邊人買添！

而同佢合作新劇嘅阿廉曹永廉當然都係其中一個目標喇！阿田就喺街頭向阿廉「hard sell」返佢隻新碟。

Photo from 田蕊妮 ig

阿廉都「交晒戲」話行咗幾間買唔到佢隻碟，仲話：「我打算買翻版㗎啦！」，阿田就即時送上實體唱片俾阿廉喇！

Photo from 田蕊妮 ig

阿廉收到碟之後仲即刻找數添！佢聽到隻碟買$135，就話：「135蚊咁抵？百幾蚊有隻碟？140蚊唔使找啦！」超豪氣！仲搞gag講多句：「我原本想買個唱片封套咋嘛，點知送埋隻碟俾我！」氹到阿田勁開心！

Photo from 田蕊妮 ig

Photo from 田蕊妮 ig

除咁配合拍檔宣傳新碟之外，阿廉其實真係身體力行支持阿田出碟㗎！

阿廉由田蕊妮出碟第一日就已經話要買隻碟，仲去咗一間西貢唱片舖買，結果買唔到。好彩阿田隻碟有網上版，於是阿廉第一時間下載，仲不停同阿田講邊首歌好聽，超用心！

在 Instagram 查看這則貼文

呢位男子由我出碟第一日就已經話要買我隻碟，佢去咗一間西貢嘅唱片舖度買，結果買唔到。有網上版，佢第一時間下載，然後不停話比我聽邊首歌好聽，所以我決定親手送一張CD比呢位窩心男。

田 蕊妮（@tinyuilee）分享的貼文 於 PST 2019 年 1月 月 31 日 上午 4:59 張貼

阿田都俾佢感動咗，大讚阿廉係窩心男，仲決定親手送隻CD佢～

而阿廉收到碟之後都有喺車度聽，仲話：「老老實實，唔係講笑，唔係講玩，真係好聽！」出晒力幫好友宣傳～

在 Instagram 查看這則貼文

老老實實，唔係講笑，唔係講玩，真係好聽！@tinyuilee ????

RaymondCho曹永亷（@chowinglim）分享的貼文 於 PST 2019 年 1月 月 31 日 上午 4:58 張貼

阿廉對身邊人都咁有心，難怪會有咁多好友啦！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）