![低調相愛5年 麥浚龍女友首次IG深情告白:你的雙眼擁有我靈魂所渴望的一切](https://image.presslogic.com/holiday.presslogic.com/wp-content/uploads/2019/02/Juno2.jpg?auto=format&w=718)
低調相愛5年 麥浚龍女友首次IG深情告白:你的雙眼擁有我靈魂所渴望的一切
麥浚龍與中英混血模特兒女友Janine(戴庚玲)向來低調,二人拍拖5年幾乎從未在網上放閃,甚至連二人合照都十分少見。而Janine昨日(31日)首次於IG上載與Juno四目交投嘅合照,並配上一句英文告白:「Your eyes hold everything my soul thirsts for.(你的雙眼擁有我靈魂所渴望的一切)」。儘管二人少有放閃,但一句說話足以證明:他們愛得剛剛好。
照片雖然都係黑白相,而且只清晰拍到Juno側面,而Janine正面則朦朧一片。不過從相片中,Janine一個打從心底嘅甜蜜笑容,還有她對望Juno嘅眼神,仿佛一張不經意嘅合照,已能夠一一訴說他們對對方嘅愛有多深。
Juno總予人一種神秘難測嘅感覺,可能係由於從事創作行業嘅關係,加上經常性穿着一身黑色裝扮出席場合,畀人感覺係一個難以讓人揣測內心思想同感受嘅男人。而常以清一色黑白照Po IG嘅Juno,剛好女友IG都係以黑白照為主,驟眼睇二人IG非常相似難分。
不過可能正因為呢種默契,又或者二人對生活事物嘅同一追求,令彼此唔需要放閃曬恩愛,已慢慢露流出一種超合襯嘅感覺。即使與二人毫不相識,都能從中感受到彼此都係對方嘅「對的人」,Juno嗰份神秘感,好似得到Janine嘅瞭解;而Janine所渴望的,亦能從Juno身上找到。
其實Juno同Janine嘅愛情沒有走得很順暢,早喺2010年Juno與Janine曾高調宣布拍拖,可惜短短一年已分手收場,直至2013年二人再次復合。不過正因彼此聚了又散,散了再聚便會更珍惜對方,更確認彼此均屬於對方那份難以分開嘅愛情。
一句「你的雙眼擁有我靈魂所渴望的一切」,便能確定他們的愛情,實在愛得剛剛好。