有一種關係叫洪永城黃翠如洪永城上翠如屋企拜年感概好友終成人妻：我仲曾經諗過儲錢俾你買姑婆屋

美食推介

By Charlotte on 11 Feb 2019

Editor

如果脂肪能賺錢，也許已養起全世界。妄想只吃只睡能過一生，看來還要多多努力。喜愛旅遊，喜歡到處尋找美食。每天也要化妝，再累也要戴con出門，大概是唯一的堅持。

洪永城同黃翠如呢對多年嘅密友有幾friend就好多人都知㗎啦。佢哋唔單止friend，好多人都覺得佢哋好襯添㗎。

在 Instagram 查看這則貼文

 Priscilla Wong 黃翠如（@wongtsuiyu）分享的貼文於 PST 2018 年 12月月 5 日上午 6:03 張貼

早前蕭正楠喺《萬千星輝頒獎典禮》入面講嘅一句「多謝我太太」，宣布佢同翠如已經結咗婚，成為夫妻。一眾藝員同事都好戥佢哋高興，同時間，有一個人喺旁邊靜靜地抹眼淚。

Photo from TVB

嗰個就係洪永城，多年嘅密友揾到好人家結婚，令洪永城不禁流下男兒淚，感動得喜極而泣。好睇得出佢哋之間深厚嘅友情。

Photo from bigbigchannel

而依家正值農年新年，亦係阿蕭同翠如公開婚訊後嘅第一個農歷新年，派利是就少不免啦。繼翠如嘅好友唐詩詠上門拜年逗利是後，洪永城亦有到訪拜年。

在 Instagram 查看這則貼文

 祝蕭生蕭太新年快樂三年抱倆日日都咁開心? . . #呢封利是一定要?? #蕭生婚後越嚟越有型 #蕭太婚後賢良淑德 #happycny #nlife #NT

Natalie 唐詩詠（@natalietong53）分享的貼文於 PST 2019 年 2月月 6 日下午 9:56 張貼

事後二人紛紛喺社交媒體上載合照，而重點就在於佢哋嘅caption，將佢哋深厚嘅友誼表露無遺，令旁人睇見到深深被感動啊！

Photo from 黃翠如Instagram

翠如喺Instagram上載咗自己、老公阿蕭同洪永城嘅合照：「喺你仲未娶到老婆煎蘿蔔糕俾你食之前，
我們家都歡迎你，
不過娶到老婆之後，
就唔好來打攪我地啦。
#愛錫系列
#洪大笨」

在 Instagram 查看這則貼文

 係你仲未娶到老婆煎蘿蔔糕俾你食之前，我們家都歡迎你，不過娶到老婆之後，就唔好來打攪我地啦。 #愛錫系列 #洪大笨

Priscilla Wong 黃翠如（@wongtsuiyu）分享的貼文於 PST 2019 年 2月月 8 日上午 11:47 張貼

係咪即係喺「洪大笨」未有老婆之前，煎蘿蔔糕畀洪永城食，都係翠如包辦呢？

而洪永城亦有喺Instagram上載二人嘅合照：「識你咁耐，今次唔講衰嘢喇。
等咗你咁多年終於收到你嘅利是，果陣仲以為一世都冇咁嘅機會，我仲曾經諗過儲錢俾你買姑婆屋，不過宜家又識煎蘿蔔糕，咁難煎嘅嘢都俾你煎到，真係好難得、又識洗碗，又有一件燒腩肉照顧你，咁我就放心啦。
恭喜你找到人生旅程入面找到一個好好嘅旅伴。#旅遊拍檔」

在 Instagram 查看這則貼文

 識你咁耐，今次唔講衰嘢喇。等咗你咁多年終於收到你嘅利是，果陣仲以為一世都冇咁嘅機會，我仲曾經諗過儲錢俾你買姑婆屋，不過而家又識煎蘿蔔糕，咁難煎嘅嘢都俾你煎到，真係好難得、又識洗碗，又有一件燒腩肉照顧你，咁我就放心啦。恭喜你找到人生旅程入面找到一個好好嘅旅伴。#旅遊拍檔

Tony Hung 洪永城（@guruhung）分享的貼文於 PST 2019 年 2月月 8 日上午 9:30 張貼

相識11年，話係好長時間？又未至於，但係一段深厚嘅友誼，未必建基於時間上，而係呢不長不短嘅11年入面，佢哋歷經幾多。男方感慨身邊嘅小女孩由一個唔食煮飯嘅傻大姐，到依家已經做咗人妻，仲搵到一個好老公，一個可以令佢放心嘅男人照顧佢。煎蘿蔔糕好難？只係無諗過本身連蛋都煎唔好嘅佢，依家總算可以煎吓蘿蔔糕招呼客人，成為一個女人。