點解去夾公仔機會夾上癮？ 順手睇下夾公仔上癮3大症狀！夾公仔迷注意！

大家去日本或者台灣玩夾公仔機，有無夾到上癮，
仲不知不覺夾咗幾千蚊呢？！
甚至有人會為咗夾公仔機，夾足一個喼先走～
究竟點解會咁呢？你又有無上癮呢？

Photo from shutterstock

第一個最大原因就係因為平又就手！
係日本，大部分夾公仔機¥100就可以夾一次，¥500可以夾6次！
即係$35就可以夾6次～
就算夾唔到，都會覺得不痛不癢，但係夾到，就會覺得$35換一隻公仔真係好抵呀～

第二就係因為其實夾公仔機係一種運氣＋技術嘅賭博遊戲，呢種刺激可以令大腦分泌大量的多巴胺，產生愉悅感！
特別係當你夾到一次之後，大腦就會出現預期嘅快感，令到你下次再見到夾公仔機就會再次產生呢種快感～

咁點樣知道自己有無上癮呢？小編就同大家分析下啦！

1）當你去旅行嘅時候，日日都好想夾，甚至唔夾就坐立不安！
2）用好多時間同金錢，用全日、幾日或者幾千蚊去夾，咁唔洗諗，癮已上！
3）打亂本身行程，為左夾公仔取消行程，甚至只係為左夾公仔而去，都要小心啊！

Photo from shutterstock

小編都試過不知不覺夾咗千幾蚊，因為真係太好玩喇！
但後來先發現夾完啲公仔真係無位放啊～大家去日本，真係要注意下喇～

重點：日本嘅夾公仔機個夾真係實架～

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）