《鐵齒銅牙紀曉嵐》經典鐵三角爆笑組合重聚 最愛和珅同紀曉嵐鬥嘴！

《鐵齒銅牙紀曉嵐》喺18年前紅遍中港台，最鍾意睇嘅一定係哋「刷鞋」嘅和珅（王剛飾）同口齒伶俐嘅紀曉嵐（張國立飾）鬥嘴嘅畫面。紀曉嵐嘅腦筋一向比和珅嘅靈活，所以成日都好調皮，整蠱和珅。而只係識阿諛奉承嘅和珅，成日都想喺乾隆（張鐵林飾）面前扳回一城，想皇帝多多賞識佢，但往往都係弄巧成拙！雖然角色性格唔太好，勝在佢演活和珅呆萌一面，令觀眾非常喜歡。

Photo from 《鐵齒銅牙紀曉嵐》

Photo from 《鐵齒銅牙紀曉嵐》

Photo from 《鐵齒銅牙紀曉嵐》

經典整蠱和珅場面，點少得佢哋猜包剪揼啊！

Photo from 《鐵齒銅牙紀曉嵐》

Photo from 《鐵齒銅牙紀曉嵐》

Photo from 《鐵齒銅牙紀曉嵐》

Photo from 《鐵齒銅牙紀曉嵐》

今次佢哋再次合作，不過再唔係拍《鐵齒銅牙紀曉嵐》，而係拍《末代廚娘》。不過據說佢哋嘅戲份唔算太多，因為整齣劇係由張國立（紀曉嵐）操刀製作，張鐵林（乾隆）係特別演出，而王剛（和珅）更只係友情客串。雖然係咁，希望佢哋都可以同場演出，期待佢哋又會擦出點樣嘅火花。

Photo from 《鐵齒銅牙紀曉嵐》

除咗呢個經典「鐵三角」組合，同時亦有香港演員參演《末代廚娘》，就係胡杏兒同鄧麗欣！佢哋雖然係呢套劇唔係主角，但戲份都唔少咖！

Photo from IG@myoliemyolie

Photo from 微博@末代廚娘官微

可惜幫和珅配音嘅香港配音員林保全早前離世，如果呢齣劇有幸喺香港黃金時間播出，我哋再聽唔返演活「和珅」嘅聲音。

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）