5套經典愛情電影推介！所有錯過或相遇 都令我確定遇見你就是最好的禮物！

有唔少人都話，同另一半最溫馨浪漫嘅時刻，就係同對方坐喺沙發一齊煲劇、睇電影嘅時候，感覺好似即使咩都唔做，又或者只係過着簡簡單單嘅日子，只要同對方一齊都一樣會倍感甜蜜。小編以下就為大家嚴選5套經典愛情電影，閒時同另一半一齊睇，感受當中虐心又浪漫嘅情節，咁就日日都係情人節啦！

Photo from 《情約一天》劇照

1. 《心跳500天》(500 Days of Summer)
「我喜歡她帶給我的感覺，就像是世界一切都有可能，或是我這輩子人因為她所以活得很值得了。」

Photo from 《心跳500天》劇照

《心跳500天》絕對係愛情電影中嘅經典，而且今年係上映10周年啦！電影講述關於Tom與Summer嘅愛情故事，男主角經歷相識、相愛、熱戀、失戀、嘗試復合再失敗，日子不長不短，剛好500天。

Photo from 《心跳500天》劇照

電影完整刻畫愛情的所有階段，將愛情拍得深刻、真實又殘忍，特別是故事走到第500天，Summer已尋得另一最愛，成為人妻，Tom只能衷心祝福Summer得到幸福，內心唯有祈盼自己的愛情，有天能再從頭開始。

Photo from 《心跳500天》劇照

2. 《情約一天》(One Day)
「我遇過那麼多人，可為什麼偏偏是你，看起來最應該是過客的你，卻在我心裡佔據這麼重要的位置。」

Photo from 《情約一天》劇照

《情約一天》可謂小編每次睇都會默默流淚嘅一套愛情電影，未睇過嘅朋友睇完保證絕不後悔！

Photo from 《情約一天》劇照

故事以每年7月15日St.Swithin's Day作串連，講述文學型女主角Emma，在學時已一直暗戀萬人迷男主角Dexter，喺畢業禮嘅一次對話令二人相識，從此Emma就成為咗Dexter嘅好朋友。纏綿20多年的感情，他們總會每年相約一天見面，可惜二人各有自己的伴侶離離合合，各有自己的事業兜兜轉轉，直至各經人生高低起跌後，發現原來最愛的其實就是對方之時，結局卻不盡如人意地發展⋯⋯

Photo from 《情約一天》劇照

3. 《遇見你之前》(Me Before You)
「和你在一起，是你給予我最好的東西。」

Photo from 《遇見你之前》劇照

《遇見你之前》可謂超催淚愛情電影，故事講述本為富二代金融才俊嘅男主角Will，經一次意外令他傷殘，人生大逆轉下令Will想要安樂死，母親有見及此，便聘請了女主角Lou，讓她照顧Will之餘，也希望她能令Will重生找到生存意義。

Photo from 《遇見你之前》劇照

二人漸漸由陌生到相知，由討厭到相愛，慢慢用愛改變對方。可惜6個月過去，還沒能改變Will安樂死的想法因為Will清楚知道，愛情並不是人生的所有，不能讓深愛的人，因為自己而錯過生命中更美好的事。

Photo from 《遇見你之前》劇照

4. 《親愛的，原來是你》(Love, Rosie)
「不管你在哪裡，我會一直一直愛著你。」

Photo from 《親愛的，原來是你》劇照

《親愛的，原來是你》故事講述青梅竹馬嘅男女主角，面對世界嘅轉變同成長，二人一直處於「友達以上，戀人未滿」狀態，直至二人各自在愛情上經歷高低跌盪後，發現最愛的原來就是對方。雖然劇情予人感覺「老土又婆媽」，但電影當中嘅靚人靚景、青春浪漫感、而且輕鬆唔沉重，絕對係情人節輕鬆小品之選！

Photo from 《親愛的，原來是你》劇照

5. 《情留半天》(Before Sunrise)
「就算今晚只是我們僅有的一晚也不錯，不是嗎？」

Photo from 《情留半天》劇照

《情留半天》其實係導演Richard Linklater執導《Before》系列嘅序章，其後仲有《日落巴黎》(Before Sunset)，以及《情約半生》(Before Midnight)，3部曲共橫跨18年，套套都非常浪漫又值得睇。

Photo from 《情留半天》劇照

而《情留半天》故事講述男女主角喺開往巴黎嘅火車上一見如故，互相喺大街小巷漫步，隨意到唱片店閒逛，又或是到咖啡店、酒吧坐下來談天說地等，一對有緣份的陌生人偶然相遇，雖說不上是一段愛情，但所營造的故事也一樣浪漫動人。

Photo from 《情留半天》劇照

而各位單身狗們⋯⋯同小編一齊ff下、勉勵下自己都好啊⋯⋯

圖片來源：《情約一天》、《心跳500天》、《遇見你之前》、《親愛的，原來是你》、《情留半天》劇照

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）