研究：情侶拖手係止痛良方 另一半可以分擔你嘅痛楚！

情侶拖手固然係愛嘅表現，但你有冇試過胃痛、頭痛、M痛、唔舒服嘅時候，另一半喺你身邊拖住你，你嘅痛楚開始慢慢減輕，然後消失？原來呢種感覺唔係心理作用，唔係自己呃自己，係有科學根據咖！

Photo from IG@rahrahsong

Photo from IG@myoliemyolie

一項美國研究發現，當你覺得痛苦或者病嘅時候，只要拖住伴侶嘅手就可以止痛同紓緩不適感。美國科羅拉多州大學波德分校認知及情感神經科學學系教授哥斯坦（Pavel Goldstein）表示，佢喺佢太太生小朋友嘅過程中握住佢嘅手，佢老婆話佢知拖完手真係冇咁痛！於是引發佢開始尋找拖手同疼痛之間嘅「謎」。

Photo from shutterstock

哥斯坦招募咗22對年齡介乎23歲至32歲、拍拖至少一年嘅異性情侶進行測試，佢哋要戴上儀器，測量腦電波活動。研究人員會用發熱裝置掂住其中一方，然後分兩組人，一組人可以拖住伴侶嘅手，另一組就要分開坐，唔畀接觸另一半。

Photo from shutterstock

情侶們事後要就痛楚程度評分，結果顯示有得拖住伴侶嘅女性痛感比獨自承受嘅女性低34%，而拖住女伴手嘅男士，就能夠比較準確咁評估女伴嘅痛楚程度。

Photo from IG@elannek930

專家指出，拖手可以促使情侶腦電波同步，令伴侶能夠感受類似感覺。此外，哥斯坦教授仲話痛苦完全打斷兩人之間嘅同步性，而「撫摸」會再次令伴侶雙方同步番。

Photo from shutterstock

Photo from shutterstock

究竟點解同愛人拖手可以減輕痛楚呢？原因係當你同另一半拖手嘅時候，腦部會釋放產生愉悅感嘅化學物質鎮痛，對女仔特別有效。如果之後你見到另一半好痛嘅時候，唔好吝嗇你嘅撫摸！因為你嘅撫摸唔單止可以減輕對方嘅痛苦，仲可以避免任何疾病、痛苦破壞你哋之間嘅同步性！

Photo from IG@sunnyboyyy

Photo from IG@lukhoo

除咗拖手，亦有研究話親吻都可以止痛，熱吻更可以減肥添～聽日就係情人節，記得拖住你嘅另一半啦！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）