原來香港夜空星星咁多！捕捉超夢幻超現實石澳銀河～撞到天氣好既日子更加Perfect！

外國既銀河靚到唔捨得透過相機去欣賞，到底幾時先可以飛去再睇啊老闆～～不過呢，雖然香港光害嚴重，但係竟然有地方可以見到銀河㗎！

鳴哇～～超級夢幻啊～～真係香港來的嗎？！

Photo from Tomo 的快樂宇宙

偷偷話大家知，依到係石澳既海邊，如果天氣極好的話，要見到銀河真心唔難！

但係都提醒一下大家，夜晚既海邊有一定既危險性，記住帶電筒、唔好影響到附近既居民，如果唔係樂極生悲就傻豬豬喇！

Photo from Tomo 的快樂宇宙

以下有一啲拍攝技巧送比大家，接實喇！（感謝讀者Tomo 的快樂宇宙資料提供）

首先大家要準備腳架、快門線、最好有具備B快門功能同廣角鏡頭既相機、以及一個搵銀河既APP。

Photo from Tomo 的快樂宇宙

拍攝既時候將光圈調校到最大、快門大約20至25秒一張、 然後視乎當時光害程度調校ISO，大概ISO 1250或以上、最後就對焦手動為「無限遠」。

Photo from Tomo 的快樂宇宙

如果有心機等日出，個景都超級無敵靚㗎！

Photo from Tomo 的快樂宇宙

每一次都要講，香港咁多咁靚既大自然景色，真真真係一個福地，大家要好好愛護香港啊～～另外想睇更加多銀河相，可以去Tomo 的快樂宇宙既專頁瀏覽，感謝提供咁多靚靚照片～～

Photo from Tomo 的快樂宇宙

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載