因太多人爬搞到結構出問題！神戶BE KOBE地標宣佈緊急封場維修

每個地方都總會有一、兩個可能象徵當地特色，不論係當地人定遊客，都為人孰識嘅打卡熱點，如位於荷蘭嘅「I amsterdam」、英國嘅「Big Ben」、法國嘅「巴黎鐵塔」等。

Photo from shutterstock

而位於日本嘅神戶港美利堅公園就有「BE KOBE」嘅地標，依個地標同荷蘭嘅「I amsterdam」差唔多，係一個文字紀念碑。地標建於2017年4月，好快就成為當地人同旅客嘅熱門打卡景點。

Photo from shutterstock

可惜唔到兩年時間，近日神戶市政府就宣佈要封場進行維修。

Photo from PressLogic

市政府負責人解釋指太多人唔理會告示同職員提醒，甚至著鞋爬上頂部，留下鞋印。加上大家為咗照張靚相經常爬上爬落，令結構出現龜裂，要緊急維修至3月中。

Photo from pinterest

當局亦感嘆「比預期嘅壞得太快」，而修補將會以唔影響外觀為前提，為頂部加厚及重新塗上白漆，日後亦將加設警告板提醒公眾愛護公物。

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）