鼻水停唔到！晚晚鼻塞困擾搞到瞓唔到！聞一聞呢個食物就可以啦！

近排嘅天氣好反覆，除咗容易病，好多本身有鼻敏感嘅朋友仔，個鼻都好唔聽話，一早起身個鼻就黎料，係咁流唔停。有啲朋友仔每晚都被鼻塞困擾，搞到瞓唔到又瞓唔好！不過依家大家有救啦，日本節目請咗一位醫生，教大家點樣解決鼻水流唔停同鼻塞通唔到嘅問題啊！

鼻水

醫生話如果鼻水停留喺鼻入面，會令細菌繁殖，所以唔好畀鼻水停留喺鼻入面太耐，甚至畀佢倒流，只要擤出黎就得啦～

但係有鼻敏感嘅朋友，鼻水係擤極都仲係咁流出黎，點先可以令個鼻暢通返呢？

有朋友仔會利用水喉水沖洗鼻，其實係work嘅，對於感冒、流感預防、花粉症等係好有效嘅，但係原來只用水喉水洗鼻係唔啱，甚至會整傷鼻膜㗎！因為水喉水會產生滲透壓力，令鼻膜腫脹甚至受傷。

所以如果想洗鼻，就應該喺清水入面加食鹽，而比例係1公升清水9克食鹽，咁樣食鹽水嘅濃度就會適合用黎洗鼻啦！

鼻塞

鼻塞真係唔係講笑，尤其係夜晚嗰陣，個鼻塞極都通唔到都算，搞到瞓唔到教先攞命啊嘛。醫生話，原來只要聞一種食物就可以消除鼻塞問題㗎啦～

嗰樣嘢就係洋蔥啦！只要將洋蔥切圈連皮聞，喺洋蔥面前深呼吸1分鐘，過程當中盡量都只用鼻，避免用口呼吸。

節目仲搵咗啲有鼻塞嘅路人試驗成效，佢哋都紛紛表示好有效喎～鼻塞緊嘅朋友仔不如都試試啦～

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）