美國多個州份出現「喪屍鹿」 專家指：病毒或會傳播至人類

喪屍電影向來都吸引唔少人睇，早年韓國喪屍片《屍殺列車》喺香港上映就曾引起一陣熱潮。

《屍殺列車》一開頭講述有野鹿感染喪屍病毒，最終傳染俾人類，而《屍殺列車》嘅電影情節或有可能成現實！

Photo from 《屍殺列車》

Photo from 《屍殺列車》

近日美國疾病預防控制中心（Centers for Disease Control and Prevention）發出公告，指截至2019年1月，美國24個州份、加拿大兩個省份、挪威、芬蘭同韓國等地出現鹿隻感染慢性消耗疾病(Chronic Wasting Disease)個案，又稱「狂鹿症」，鹿隻感染後體重會嚴重下降、流口水、四肢唔協調，更會變得極具攻擊性，患病症狀尤如「喪屍」一樣！

Photo from Centers for Disease Control and Prevention

病毒可以透過體液、飲用水同食物傳播，會影響鹿嘅大腦，目前並無根治方法。

Photo from 《屍殺列車》

雖然至今仍未出現人類感染慢性消耗疾病嘅個案，但研究證實病毒可以傳染俾鹿以外嘅生物，包括人類在內嘅靈長類動物。

明尼蘇達大學（University of Minnesota）傳染病研究與政策中心主任Michael Osterholm 指，每年有大約7000～15000隻受感染嘅動物被捕食，數量更逐年增長20%，大大增加人類感染嘅可能性。

佢提醒，未來幾年或會出現人類因食用受污染鹿肉而感染慢性消耗疾病嘅個案，而且更有可能係大量感染。

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）