姚瑩瑩母兼父職照顧7歲仔 內疚15年甚少回家鄉探望父母

喺《愛回家之開心速遞》入面，同KC、John，仲有雷珍妮發生「四角戀情」，飾演Helen嘅姚瑩瑩，入行多年演法多變，可飾演「爛賭婆」、粗聲粗氣嘅「大媽」，又可以飾演好似Helen咁溫柔嫻熟嘅女人。佢擁有一種知書識禮、溫文爾雅，又帶點柔弱嘅氣質，20年前仲曾經擔任劉德華MV嘅女主角！而係現實中佢係一個身兼父職、堅強嘅好媽媽！

Photo from IG@eileenyeow

Photo from IG@eileenyeow

Photo from IG@eileenyeow

Photo from IG@eileenyeow

今年47歲嘅姚瑩瑩最近出席活動時透露多年嚟埋頭苦幹咁工作，獨力養育仔仔Evan一啲都唔容易，而自己有15年冇番過老家新加坡過年，「15年啦，爸爸媽媽都老啦，我應該有時間就番去探佢哋。」

Photo from IG@eileenyeow

8年前瑩瑩為圈外男友生BB，仔仔出世之後男友就甚少露面，瑩瑩唯有獨力照顧，兩母子相依為命。佢為咗養育Evan，曾經一年拍10套劇，亦因為搏命做嘢而搞到自己傷痕累累，除咗頸椎移位、膝頭哥舊患復發等，加上當年佢自己一個嚟香港做嘢，已經令父母好擔心，瑩瑩因此只會同佢哋分享開心事。

Photo from 微博@姚瑩瑩

Photo from IG@eileenyeow

正因為以上種種原因，瑩瑩有唔開心都唔會同人講，亦都唔知同邊個講，冇一個傾訴嘅渠道。所以佢曾經喺微博寫咗一句「有苦自己知」。不過，因為仔仔Evan，佢學識堅強，無論做嘢幾辛苦，喺親情面前也唔算得喺啲咩，依家嘅佢更係有仔萬事足，成日喺自己嘅IG、微博上載佢同仔仔嘅溫馨照！好好彩，Evan都好生性，會去片場做住功課等媽咪，令瑩瑩非常欣慰！

Photo from IG@eileenyeow

Photo from IG@eileenyeow

瑩瑩表示，做咗人哋父母之後，先慢慢理解當初爸媽嘅心態。當年姚瑩瑩奪得1999年嘅新加坡小姐冠軍，仲代表新加坡參加環球小姐，其後經同屆好友袁詠儀引薦嚟香港發展。所以面對父母年事已高，瑩瑩非常內疚以前只係掛住工作，忽略咗同爸媽相處嘅時光，所以今年新年就帶埋Evan番新加坡，送驚喜畀父母！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）