《包寶寶》奪得最佳動畫短片 首位Pixar華人女導演喺奧斯卡頒獎禮上奪得殊榮！

由首位Pixar女華人石之予導演執導嘅《包寶寶》奪得奧斯卡最佳動畫短片。Pixar動畫一直皆有口碑，而《包》就播放喺《超人特攻隊2》前。佢早前接受訪問嘅時候，就講到呢個故事係佢生活嘅寫照！「自細我就被父母寵愛，好似一個包寶寶，佢哋事事保護我，唔畀我行得遠，唔畀我嘗試任何危險嘅事，令我成日感到很挫敗。」

Photo from TVB

Photo from TVB

Photo from 《bao》

Photo from 《bao》

Photo from 《bao》

呢套短片嘅非常特別，主角唔係人類、動物、擬人物件，而係一粒肥肥白白嘅包寶寶，加拿大華裔導演石之予，喺2014年時加入Pixar擔任動畫師，今次同另一位華裔女動畫師劉碧青一齊創作，描繪呢個有關食物同親情嘅故事。片長大約3分鐘嘅《包寶寶》，描述一位中國媽媽，屋企細路日漸長大，各自忙於自己嘅事業同家庭，有一日，媽媽做咗一個包當午餐，冇諗過呢粒包會變成一個超萌嘅包寶寶，點知包寶寶又長大，媽媽再次面對空蕩蕩嘅屋，佢為咗留住包寶寶，最後更係索性食咗佢落肚！佢現實中嘅仔仔明白到自己忽略咗媽媽，令媽媽感到孤獨之後，就主動返屋企陪媽咪，仲帶埋女朋友一齊返屋企陪媽咪整包～

Photo from 《bao》

Photo from 《bao》

Photo from 《bao》

Photo from 《bao》

《包寶寶》係每個人嘅縮影，係每個人必經嘅階段，我哋都會面對孩子長大，經歷佢哋由細個好痴身，大個唔痴家嘅情況。身為媽媽嘅孩子，大家唔好忘記媽媽嘅養育之恩，唔好因為朋友、另一半、娛樂等而忽略一直照顧你、愛惜你嘅父母！

Photo from 《bao》

Photo from 《bao》

大批網民都話《包寶寶》雖然係短片，但非常高質，唔少人更係睇到好感觸，喺戲院喊出嚟啊！

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）