訂飛/揀位/取票一機搞掂！台鐵4月推新票務系統 唔使再擔心訂完飛2日內去唔到拎飛

唔少人去台灣玩都會試過鐵路遊，因為車站分佈多而廣，旅客仲可以選擇即場購票或網上訂車票，方便計劃行程。

Photo from shutterstock

而近日台灣鐵路局（台鐵）就宣佈，將會喺4月23日起更新票務系統，到時買票、揀位、取票就可以一次過用手機搞掂！

Photo from 台灣鐵路局

為咗更有效利用座位，新系統會喺長途車票售完後，自動分段組合短程車票。另外，雖然現時台鐵嘅網試訂票或即場購票嘅服務機制已算完善，不過為了趕上數碼時代，台鐵決定更新票務系統，新增及改善咗唔少問題。

Photo from 台鐵e訂通

手機訂取票

系統更新後旅客可以透過手機一次過完成訂飛、購票及取票等手續，喺手機上完成付款取票後，到時只要持手機中嘅電子票據就可進出車站。 相較於之前，就算你用手機畀完錢之後，都要兩日內到車站、台灣嘅四大超商或郵局付款取票方便得多呀！

Photo from 台鐵e訂通

自動分段組合短程車票

新票務系統為咗更有效利用座位，喺長途車票售完之後，系統會自動分段組合各種短程車票，並清楚顯示旅客各分段車票嘅座位，雖然分段車票嘅座位未必一定相同，不過總比要自己一個分段一個分段咗訂飛，嚟得輕鬆方便。

Photo from 台鐵e訂通

智慧選位或電腦選位

另外，喺訂飛時會顯示智慧選位或電腦選位，如採用智慧選位，系統就會顯示當下仲有咩可選座位。比現時只可以喺取票時先知座位情況更清晰。

Photo from 台鐵e訂通

咁樣以後去台灣鐵路遊就更方便喇！

Source：台灣鐵路局

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）