絕世好爸張達倫無私付出對繼女如親生女：如果接受唔到繼女，邊有愛佢嘅資格？

By Ivory on 26 Feb 2019

Digital Editor

拍着照片，一路同步坦白流露，感情和態度。其實人生並非虛耗！

有人講過：「愛係無私奉獻。」平常人眼中呢樣嘢係知易行難，但張達倫做到！

Photo from IG@maxc

佢太太Kimmy 曾經離婚，仲有個囡。但佢從冇因為咁而卻步：「我永遠都當佢係我個女！」。佢講起以前追求太太嘅心態，認為啊囡係Kimmy 生命中嘅一部分：「佢都係我個女，我係同樣咁錫。如果因為佢（啊囡）而唔一齊嘅話，咁我有乜資格話去愛呢個女人？」就係呢份無私、唔去計較嘅愛，成功感動啊囡同老婆Kimmy。相信唔少觀眾聽到都會畀佢感動到！

Photo from 《1+1+1》

佢喺節目開始前，完美展示佢溫柔體貼嘅一面，幫太太整返好個衫領，等佢出鏡嘅時候可以向觀眾表現出最美一面！之後佢霸氣介紹老婆出場：「呢個係我張達倫嘅老婆，呢個係我哋嘅寶貝仔張凱碩。」

Photo from 《1+1+1》

有人話：「一對情侶相處得耐，兩個個樣會越嚟越似！」張達倫同老婆都認為對方最可愛嘅地方，就係大家嘅笑容，一個笑得夠甜，一個笑得夠燦爛！

佢哋被問到對上一次覺得對方靚係幾時，老婆甜笑話：「就啱啱咋嘛～」張達倫即刻施展口甜舌滑功回敬老婆：「就喺兩三日前，瞓醒起身見到我老婆，覺得原來我老婆都好靚～」佢哋呢種甜蜜互動完美示範咩叫：「有了你開心啲，乜都稱心滿意！」、「只要愛對了人，情人節每天都過～」

Photo from 《1+1+1》

張達倫憶述求婚時播嘅一首歌，佢話「愛情令缺點有了知音」同埋「我盡力學習成為男人」呢句歌詞非常重要，仲即場唱畀太太聽，成功搞喊對方！佢哋對望嘅眼神滿滿是愛，令觀眾們都即時眼濕濕啊！

Photo from 《1+1+1》

張達倫更係自己親手寫結婚誓詞時，而呢個誓詞非常浪漫，真係「聽者感動，聞者流淚～」！原來佢係喺佢哋行山嘅時候攞靈感～佢哋行山嘅時候，望到長長石級，張達倫突然深情對住老婆講：「老婆，咩都唔緊要，只要我哋兩個拖住手，一步一步行上去，只要你喺我身邊，每個難關都會過到！」老婆聽完，即刻感動流淚。張達倫溫柔咁幫老婆抹去掛喺臉上嘅淚珠，好溫柔，睇到都覺得好Sweet～