《妻子的浪漫旅行2》靚靚袁詠儀單獨去旅行唔捨得老公 流淚撒嬌：我不會再一個人去旅遊，我一定會跟着他

靚靚袁詠儀同老公Chilam張智霖一向都係圈中模範夫妻，結婚18年仍然恩愛。最近佢哋兩夫妻拍攝內地綜藝節目《妻子的浪漫旅行2》，又大放閃光彈～

呢個節目係幾位妻子一齊去旅行，而去旅行嘅日子就無得同老公聯繫，第一次同老公分開去旅行令靚靚好唔習慣。

無靚靚喺身邊嘅Chilam似乎好開心，仲大叫：「很爽很開心！」靚靚似乎都預計到老公嘅反應，話：「沒有跟他在一起去旅行，我知道他很開心，因為很多時間沒有我在旁邊嘮叨。」

Photo from 《妻子的浪漫旅行2》

Photo from 《妻子的浪漫旅行2》

不過靚靚下一句就話：「但是我想跟他說我很不習慣，所以你走不掉了。」Chilam聽到都笑咗。

Photo from 《妻子的浪漫旅行2》

Photo from 《妻子的浪漫旅行2》

靚靚話同Chilam一齊27年嚟除咗工作之外，去旅行都會同佢一齊去，今次可以話係第一次無同老公一起去旅行。

Photo from 《妻子的浪漫旅行2》

喺之後訪問，靚靚就忍唔住眼泛淚光表示喺北京自己一個搭飛機過嚟，覺得好唔習慣：「我一個人坐飛機我很不習慣，去旅遊，我覺得應該是跟我老公的，或是一家三口」

Photo from 《妻子的浪漫旅行2》

Photo from 《妻子的浪漫旅行2》

之後更加開始邊抹眼淚邊話：「我想跟他說，去完這一次以後，我不會再一個人去旅遊，我一定會跟着他，或是他一定要跟着我，他跑不掉」

Photo from 《妻子的浪漫旅行2》

Photo from 《妻子的浪漫旅行2》

而聽到靚靚咁講嘅Chilam表情都變得嚴肅咗，其他嘉賓話靚靚喺度撒嬌，Chilam就笑住話：「這是她的撒嬌。」

Photo from 《妻子的浪漫旅行2》

見到老婆喊嘅Chilam就話好想抱住佢，仲話：「因為我們都相信沒有甚麼是常在的，我常常也會跟她說這些事情，所以珍惜現在，現在是最美好的一刻，永遠是最美好的。」

Photo from 《妻子的浪漫旅行2》

小編睇到都覺得有啲感動，一齊得耐都會好唔捨得分開，睇嚟靚靚都唔係真係「不懂撒嬌的女人」啊～

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）