日本新年號大熱「安久」！廣東話諧音令人尷尬 香港人聽到即爆笑！

日皇明仁早前因健康理由，宣布將於4月30日退位，皇太子德仁會於5月1日繼任。日本政府打破傳統，將會喺4月1日，新日皇即位前公佈新年號。而日媒透過民意調查預測新年號，而大熱年號「安久」雖意義深遠，但香港人聽到都不禁因諧音而尷尬爆笑！

Photo from Shutterstock

為免令人民日常生活帶嚟影響，加上要顧及各企業及政府部門更改電腦系統需時，因此日本首相安倍晉三早前透露，將會提早公佈日本新年號。富士電視台預測新年號用字，「安」字大比數拋離成大熱用字，相信係因為日本近期天災頻生，民眾都想以「安」字寄予日後生活安穩。

Photo from 網上圖片

而新年號公布在即，最近唔少日媒再發表新年號民意調查，「安久」二字成大熱門，雖然字面解讀有「長治久安」、「長久安穩」意思，但香港人聽起嚟因廣東話諧音與粗口相似，令人港人尷尬爆笑！如有港人讀者仲未明，可以試下將「安久」快速讀10次，相信明的自然會明。

Photo from 網上圖片

Photo from NNN

而NHK日前就有電視節目介紹日本各地預測嘅大熱年號，當中請咗一隻海獅將大熱年號寫出嚟，事先海獅先寫出「大正」、「平成」兩個已知年號，其後就寫出疑似「安久」嘅大熱新年號。不過「安久」呢個令港人尷尬嘅用字未必係最後定案，到時日本係咪真係會用「安久」作新年號，就真係要等到4月1號揭曉啦！

Photo from NHK News Web

其實日本決定年號用字，其中一個條件係必須有意義，有網民細心翻查已用年號，發現每個年號都可引經據典而且甚有意義。雖然「安」字亦有其意義，不過會唔會真係用以作年號，則未知之數啦！

Photo from 網上截圖

想個會唔會用上「安久」，記得4月1日留意日本政府公布啦！

圖片來源：Shutterstock、網上圖片、NNN、NHK News Web

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）