日本另類遊～2019脫單必訪2大戀愛神社！心心恋參道、恋占神石！白色情人節前找對的人！

3月14日係白色情人節，係 2月 14日之後情侶放閃嘅另一個日子。單身嘅大家唔駛擔心，嚟呢 2個熱門戀愛神社參拜吓，祈返個蜜運啦！

呢2間戀愛神社分別座落喺京都同埋福岡，除左因為好靈驗，佢地嘅裝修都好靚，所以吸引左好多人嚟潮聖！想「出pool」嘅大家，去日本旅行記得mark實呢2間神社，求返個好情人喇～

Photo from Shutterstock

第一間要介紹嘅係位於京都嘅「地主神社」，呢間神社喺鼎鼎大名嘅清水寺入面，只要買左入清水寺嘅門票，就可以去埋呢個「地主神社」參拜！呢間神社喺日本人之間都好出名，因為好多人參拜完就有拖拍，所以好多女仔都去求返個好運～

Photo from Shutterstock

若然大家有心上人，就一定要嚟呢兩塊恋占神石！呢兩塊神石歷史悠久，據說係繩文時代留落嚟嘅～
兩塊石頭相距 10公尺，相傳心入面默念心上人嘅名，合埋眼行去另一塊神石，成功順利走過去嘅話就會願望成真！要成功都唔易嫁，如果要身邊嘅人提示先完成，就代表戀愛成功要靠友人協助；而要好長時間先成功嘅話，就代表戀愛要啲時間先會來哦～

Photo from Shutterstock

Photo from Shutterstock

寫繪馬祈福都係一大重點活動嚟嫁，呢度嘅繪馬好特別，有結緣神同玉兔聽大家嘅願望！
仲有好多款御守出售，好似福錢、鈴噹等等，俾大家將戀愛運掛喺身邊～
《清水寺-地主神社》
地址：京都府京都市東山區清水一丁目
交通：京都車站前轉乘市巴士 100、110、202、206或18號，「五条坂」站下車步行約 10分鐘

Photo from Shutterstock

第二間要介紹嘅係「恋木神社」！
呢間神社喺日本女仔之間都係出左名靈驗，仲周圍都佈滿可愛嘅心心，所以好多女仔嚟求祈緣，順便打卡～

Photo from 恋木神社 官網

Photo from 恋木神社 官網

「恋木神社」嘅一大特式就係呢條「恋參道」～成條「恋參道」都有一排心心喺度，沿住心心行就可以行到神社度參拜～神社每年都有大型參拜祭典，仲會幫情侶喺神社入面完婚～

Photo from 恋木神社 官網

Photo from 恋木神社 官網

嚟呢度記得幫自己嘅戀愛求返支好籤，同埋買佢地嘅「恋木御守」！
其中一款御守係以陶土製成嘅心形御守，好靚好特別；仲有巫女親手織嘅結緣手繩，幫大家提升戀愛運～
唔小心求到「凶」籤都唔洗怕，跟住指示將籤文以「立心結」綁返喺牆度，等「恋木神社」庇佑大家啦～
《水田天滿宮-恋木神社》
地址：福岡県筑後市水田６２－１
交通：JR羽犬塚站，步行約 25分鐘

Photo from 恋木神社 官網

Photo from 恋木神社 官網

Photo from 恋木神社 官網

Photo from 恋木神社 官網

Photo from 恋木神社 官網

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）