Marvel隊長原來都係美少女戰士fans 為及時睇美少女戰士放學即刻趕返屋企

《Marvel隊長》正喺全球火熱上映，喺戲入面所向披靡嘅Marvel隊長原來現實中同普通女仔一樣，都會為咗可以睇到卡通片而趕返屋企。

Marvel隊長喺原著漫畫入面戰鬥力強勁，更獲譽為Marvel宇宙戰鬥力最強嘅女性英雄，有各種超能力，包括預知危險、可以喺無氧氣狀態下生存等。

Photo from Marvel

Photo from Marvel

能力超班嘅Marvel隊長可能係唔少女仔、甚至男仔心目中嘅super hero，而身為大眾偶像嘅Marvel隊長自己嘅偶像又係邊個呢？

喺一個訪問入面就有人問到飾演Marvel隊長嘅Brie Larson成長過程中嘅女性偶像係邊位，Brie就自爆自己係美少女戰士fans！

Photo from 《美少女戰士》

Brie話：「我現實生活中嘅偶像係我媽咪。我曾經鍾意過Spice Girls，我都好鍾意美少女戰士。試過為咗唔好錯過《美少女戰士》一秒，放學後即刻趕返屋企。」

Photo from 《美少女戰士》

小編以前都有試過為咗睇卡通片，放咗學即刻衝返屋企。估唔到生於美國嘅Brie Larson原來都鍾意睇《美少女戰士》！

不過Sailor Moon入面有咁多角色，唔知Marvel隊長又最鍾意邊個呢？

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）