主人與離世愛貓約定來生做「母子」以不起眼紅色胎記做記號 主人感恩守約：謝謝你回來！

你相信轉世嗎？電視劇入面凡出現拆散鴛鴦或者其他悲慘嘅情節時，都會出現一句說話：「我哋來生再做夫妻！」可惜永冇下文。而今次係真人真事，原來轉世之說，並唔係編作出嚟。

Photo from facebook

有位台灣女網民最近喺網上分享一件佢自己非常感人、關於「轉世投胎」嘅故事：

愛貓「比比」以前係流浪貓，女主人不忍見到佢畀人用腳踢、虐待，於是就收養咗「比比」。一養就養咗10幾年至17年6月，愛貓不敵病魔離世！佢曾經叮囑佢臨終嘅愛貓記得下世投胎做佢嘅兒子，仲約定用一個不起眼嘅紅色胎記做記認。

Photo from Facebook

痛失愛貓後，每日以淚洗臉。點知有日，佢4歲嘅仔仔同佢講：「媽媽你不要哭不要難過，『比比』會來當你的小baby！因為牠很愛你啊！」冇幾耐之後，平時唔鍾意食魚嘅佢，有日佢突然想食魚～因此，佢醒起佢大仔講過嘅說話，就買咗枝驗孕棒檢驗，發現真係懷孕！見醫生時仲話已經有咗8個星期！好似「比比」報夢畀大仔一樣～非常神奇！

Photo from Facebook

佢腹中BB「藍寶」出世之後，媽媽網民不斷嘗試搵記號，但都係無功而回。然而，根據台灣習俗，嬰兒24日大嘅時候，就要剃頭。呢個時候，剃髮師傅突然大聲講咗一句：「哇！好險長在頭皮，有些人會長在身上或臉上，那就不好看了！」佢即刻轉身一望，眼淚決提，心諗「比比回來了！你真的遵守約定了!」，非常感動！

Photo from Facebook、網上圖片

「藍寶」就快1歲啦～媽媽網民非常感慨兼感恩：「謝謝你投胎來當我的小孩，讓我能繼續愛你。」

Photo from Facebook

Photo from Facebook

唔少網民知道之後都話「有洋蔥」、好感動！有啲就好搞笑話：「我望住我背後嘅紅色胎記，都唔知上一世同邊個約定咗？我媽話因為我欠打～」更有網民話佢嘅愛貓「比比」，同次子「藍寶」好似樣～

Photo from Facebook

Photo from Facebook

Photo from Facebook

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）