百花盛放！2019年花卉展開幕！一年一度花海打卡嘅日子！大紅大紫

By 123testing on 14 Mar 2019

一年一度嘅香港花卉展又嚟喇，等小編帶大家睇下今年百花爭妍鬥麗嘅盛況啦！

Photo from PressLogic

今年花卉展嘅主題花係「大紅花」，而主題係「大紅花說願」，主題花卉牆亦砌出主題花卉嘅樣，好有心思！
呢次嘅展覽增加左 7%嘅嘅室外展區，展出約 42萬棵花朵，當中有大約 4萬棵主題大紅花！大家嘅作品都好有特色，每個花圃都充滿自己嘅主題色彩，打卡打到手軟呀！

Photo from PressLogic

展出機構有超過 260個，當中有 100多個來自澳洲、日本、荷蘭、西班牙等20個國家，十分盛大！
而早前香港受台颱風「山竹」影響，造成好多倒樹，主辦機構借「回收一碌木」行動，特意回收倒樹加入花展作展品一部份，希望做到「廢柴！不廢」，並表示花展後亦會送返去18區展出！

Photo from PressLogic

最近環保議題越嚟越多人關注，花展亦希望投入其中，支持「三用原則」（物利用、循環再用、廢物利用）及「走塑、走即棄」，所以大借會免費提供12500件可重用餐具俾市民，亦會喺花展完結嘅時候舉行「環保回收日」，將植物送俾市民、學校、環保團體同埋非政府機構，預計會喺 3月25日送出約 500盆花卉俾市民～

Photo from PressLogic

展覽期間，市民仲可以網上或現場投票，選出「18區最具人氣園圃大獎」同埋「18區最具地區特色園圃大獎」！
大會仲會舉辦一連串教育同娛樂並重嘅活動！音樂及文娛表演、花藝示範、廚藝示範、綠化活動工作坊，同埋親子遊戲等等！大家唔好錯過喇～

Photo from PressLogic

《2019 香港花卉展》
日期：2019年 3月 15日至 3月 24日（上午 9時至晚上 9時）
地址：銅鑼灣維多利亞公園（維園）
入場費 : 14元（優惠收費 7元）
優惠人士：4至14歲兒童、全日制學生、60歲或以上長者、殘疾人士及其照顧者 (每名殘疾人士只可與一名同行照顧者同享優惠)
星期一至星期五優惠場次：60歲或以上長者免費參觀、殘疾人士及其照顧者免費參觀 (每名殘疾人士只可與一名同行照顧者同享優惠)、30人或以上的團體可獲成人半價優惠，惟團員必須一同進場
電話：2601 8260