一吻定情甜到爆！龔燁熊若水有情人終成眷屬 白色情人節確定關係成情侶！
終於等到呢一日喇！琴日播出嘅《愛回家之開心速遞》，熊若水終於同龔燁正式交往做男女朋友喇！
劇情講到龔燁覺得自己唔能夠擺若水喺第一位，所以一直唔敢追熊若水。但佢爸爸就勸佢要氹下若水。
Photo from 《愛回家之開心速遞》
咁啱龔燁拎到華仔嘅演唱會飛，就約若水一齊去睇。而演唱會當日適逢係白色情人節，所以有一個特別環節，燈光照到嘅情侶就要當眾錫錫。
Photo from 《愛回家之開心速遞》
世事就係咁巧合，燈光就打喺龔燁若水兩個人身上，不過佢兩個仲未係情侶，所以都好猶豫。就喺龔燁打算錫若水嘅時候....盞燈就照咗去其他人度喇！所以話timimg真係好重要～
Photo from 《愛回家之開心速遞》
Photo from 《愛回家之開心速遞》
Photo from 《愛回家之開心速遞》
第一次錫錫失敗咗，但龔燁知道若水鍾意華仔，就約佢去睇多次華仔演唱會，若水為咗呢個約會悉心打扮，點知龔燁臨時有工作在身，去唔到。
Photo from 《愛回家之開心速遞》
果然真係好似龔燁自己講，佢係擺唔到若水喺第一位，正當小編以為今次佢兩個又係錯過嘅時候，編劇終於派糖喇！
Photo from 《愛回家之開心速遞》
若水去搵龔友嗰陣，龔友將龔燁整嘅曲奇俾咗若水。原來龔燁喺曲奇上面寫咗「Mary I Love you」向若水表白，不過最後就掉咗落垃圾筒，好彩龔友執返。
Photo from 《愛回家之開心速遞》
知道龔燁心意嘅若水決定約龔燁講清楚，若水話俾個機會龔燁做佢男朋友，仲話龔燁都唔係佢嘅第一位，點知龔燁竟然唔出聲，正當若水內心極度忐忑不安嘅時候，全集高潮位嚟啦.....
Photo from 《愛回家之開心速遞》
龔燁竟然一下就錫埋去！呢個「世紀一吻」完返上半集睇華仔演唱會錫唔到嘅遺憾，仲係嘴對嘴！睇到小編都好激動！龔燁錫完之後即刻甜笑講：「我願意」～
Photo from 《愛回家之開心速遞》
Photo from 《愛回家之開心速遞》
Photo from 《愛回家之開心速遞》
兩個人兜兜轉轉，彼此錯過再錯過，終於喺白色情人節有返個好結果喇！呢段時間佢哋都成長咗好多，會為對方著想同付出，相信佢哋嘅感情一定同之前有唔同。
佢哋都有喺ig出po表達終於正式成為CP嘅感受。
雖然喺確認關係之前就已經好閃，但依家身分正式變成男女朋友，觀眾可以期待佢哋喺之後嘅劇情多啲派糖，大放閃光彈啦！
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
