消防員冒住被40噸重列車砸落嚟嘅風險 助港鐵「重回軌道」

港鐵喺啱啱過去嘅星期一出現40年來第一次撞車事故！消防員用咗兩日嘅時間協助港鐵將涉事列車「重回正軌」，搬離現場，使市民可以儘快重回正常嘅生活。

Photo from facebook@香港消防處

而喺星期四晚，消防處出咗條片講解佢哋點樣運用專業技術升起壞車。片尾提到佢哋喺2018年專程遠赴法國學習鐵路救援嘅專門技術以及工具應用。

Photo from facebook@香港消防處

估唔到啱啱學完冇耐，就有機會喺香港「大展身手」，運用新學嘅技術同技能協助港鐵搬走壞車，同埋縮短影響市民嘅時間，令市民嘅生活同列車都可以迅速「重回軌道」。

Photo from facebook@香港消防處

Photo from facebook@香港消防處

今次真係辛苦晒一班消防員，尤其係坍塌搜救隊，冒住畀40噸重嘅列車砸落嚟嘅風險，仍然盡心盡力為我哋服務！多謝你哋！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）