對住人放屁係一種信任還是虐待？趷高屁股放屁呢種似曾相識嘅動作都會被人告

情侶間，肆無忌憚咁放屁係對對方嘅一種信任；兄弟姐妹間，放屁係互相調侃，促進關係嘅方式。但對某些人嚟講，放屁係一種「虐待」！

Photo from shutterstock

澳州有位叫興斯特嘅男士控告佢上司肖特對住佢趷高屁股施展「放屁攻擊」，「虐待」到佢有抑鬱、焦慮症等！

Photo from shutterstock

佢曾經入稟法院要求索償，可惜法庭判佢敗訴，認為放屁行為唔構成欺凌！興斯特憤而上訴。

Photo from shutterstock

佢出席上訴法庭嘅聆訊時，強調「放屁係一種欺凌嘅形式」，直指肖特係一名「連環放屁王」。「當我對住幅牆坐嘅時候，佢會走入嚟。間房好細又冇窗。佢成日放完屁之後就出番去，每天都會咁樣做5-6次。」

Photo from shutterstock

佢仲話，對方作嘢嘅時後會「趷起屁股」，然後對住佢放屁，對佢造成「嚴重壓力」。佢表示自己曾經為此向被告噴除臭劑，並稱呼對方做「奇臭先生」。

Photo from shutterstock

興斯特認為自己得唔到公平審訊，而且認為法官對佢有偏見。呢單「放屁事件」最後嘅判決會係點，今個星期五就會知道！如果真係告得入嘅話，可能好多人都會被控訴，包括小編自己～大家記得提醒你哋身邊嘅「屁王」叫佢唔好成日放屁啦～放得臭屁多嘅你都記得食多蔬果啊！

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）