夏天到喇！救生員不足致部分設施暫停 康文署轄下泳館今正式開放

夏天到喇！唔少人都會去游水消暑，而踏入新泳季，康文署近日亦宣佈其轄下16個泳館於今日（1/4）起或完成年度維修後開放。

Photo from 康樂及文化事務署

不過大家要注意一點就係，今日開始開放嘅泳館中有6個泳池因救生員不足導致部分設施需要暫停開放，包括港島區嘅包玉剛、柴灣游泳池，九龍區嘅何文田游泳池，新界區嘅葵盛、青衣、西貢游泳池。

Photo from 康樂及文化事務署

而何文田游泳池更因進行緊急維修工程，所以暫停開放，直至另行通告，因此市民變相要無了期等待。

Photo from 康樂及文化事務署

青衣游泳池內嘅戲水池、淺水池及滑水梯等設施今日就會全日停止開放。

Photo from 康樂及文化事務署

另外，康文署轄下38個泳灘會喺4月至10月期間，每日上午9時至下午6時於泳灘提供救生員服務。

Photo from 康樂及文化事務署

而喺6月至8月游泳旺季期間，星期六、日及公眾假期的救生員服務時間則會延長，由上午8時至下午7時。

Photo from 康樂及文化事務署

康文署亦不忘呼籲市民嬉水之餘，亦要注意安全，並在有救生員當值嘅泳灘同時段游泳，及如泳灘掛起紅旗，就切勿下水。

Source：康文署
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）