《開心速遞》劇情大暴走！安仔酒後亂性 同池美麗搞出人命？

大台處境劇《愛回家之開心速遞》劇情不時大暴走，琴晚播出嘅一集仲去到盡！劇情緊貼4月1日愚人節，安仔（周嘉洛飾）周圍整蠱人應節，點知被身邊人惡整返轉頭，仲「酒後亂性」同池美麗（鍾凱琪飾）意外「一夜情」搞出人命，搞到要同女友Bonnie分手！嘩！咁爆！

池美麗喺劇中曾經一直迷戀「博士」，不過經過琴晚個集，同安仔竟然有突破性發展！實在令人驚喜又笑爆咀！

琴晚劇情講到安仔喺送水輝間酒吧開工時，發現有女仔一個人飲悶酒，行過去先知原來係池美麗。

Photo from 《愛回家之開心速遞》

Photo from 《愛回家之開心速遞》

池美麗話被「垂涎自己美色」渣男拋棄，而為咗賣得更多酒嘅安仔就同美麗開始劈酒啦！

Photo from 《愛回家之開心速遞》

Photo from 《愛回家之開心速遞》

Photo from 《愛回家之開心速遞》

正所謂孤男寡女共處一室⋯⋯好易做錯事！

Photo from 《愛回家之開心速遞》

安仔酒醒後，發現自己半身赤裸，躺喺身上嘅美麗仲嘴角含春，話同自己發生咗關係，叫安仔負責任！咁大衝擊！安仔當然嚇到即刻閃人啦！

Photo from 《愛回家之開心速遞》

Photo from 《愛回家之開心速遞》

Photo from 《愛回家之開心速遞》

Photo from 《愛回家之開心速遞》

咁都未算激，後來美麗仲搵埋安仔去驗孕。安仔得知要「做人爸爸」後，幻想到要捱窮養美麗同「小安安」秒間崩潰！

Photo from 《愛回家之開心速遞》

雖然安仔唔中意美麗，但堅持要做個負責任嘅男人。當池父想「兜巴星」美麗時，安仔即刻展示Man爆一面，保護「有自己骨肉」嘅美麗！美麗更加冧到爆！

Photo from 《愛回家之開心速遞》

Photo from 《愛回家之開心速遞》

Photo from 《愛回家之開心速遞》

而且為咗負責任，安仔忍痛含淚用電話留言同女友Bonnie講分手。不過劇情到最後，安仔先知原來一切都係愚人節大整蠱！美麗其實係收咗「SO苦主大聯盟」譚道德、送水輝報酬，去令安仔同Bonnie分手。

Photo from 《愛回家之開心速遞》

錯有錯著，美麗反而「戲假情真」開始愛上安仔！呢Pair咁過癮嘅「安池」CP唔知會唔會喺安仔甩拖後，再有後續呢？

Photo from 《愛回家之開心速遞》

圖片來源：劇集截圖

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）