夏蕙姨化身美人魚 拍片力保大嶼山 呼籲聯署反對大嶼山填海計劃

近日環保團體「綠色和平」呼籲公眾參與聯署，守護大嶼，希望政府發展408公頃嘅棕地，而唔係填海。仲請嚟夏蕙BB化身美人魚拍片叫年青人：「齊齊跟住我，守護大嶼，唔好搞個海。」

夏蕙姨喺片中直言反對填海：「梗係反對啦，香港冇地方咩，點解要填海？」佢認為香港宜家嘅海越填越窄，海洋生物會失去自己嘅家園。

Photo from 綠色和平 Youtube

佢指出大嶼有香港最長嘅海岸線，係香港自然環境一道重要防線，唔希望大家犧牲香港最靚、最美好嘅地方。

Photo from 綠色和平 Youtube

Photo from 綠色和平 Youtube

夏蕙姨瞓身力撐「守護大嶼」嘅聯署，唔少網民都好欣賞佢嘅敢言。

宣傳片入面亦強調「海洋住屋不對立」，要住屋唔一定要犧牲海洋，所以綠色和平就提出可以發展棕地代替填海。發展棕地唔單止快好多，而且比填海便宜八成。

Photo from 綠色和平 Youtube

綠色和平指香港海洋十分珍貴，孕育咗近6千種海洋生物，有唔少稀有海洋生物，唔希望政府破壞珍貴嘅海洋生物。

Photo from 綠色和平 Youtube

今次夏蕙BB講得好啱！點解要犧牲自己最靚嘅地方呢？

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）