【記得帶遮】明日起天氣稍涼～驟雨雷暴持續至下周 到復活節仍有雨

繼續熱咗咁多日，今日天氣終於涼返少少，多雲有驟雨，局部地區有雷暴。天文台預測未來將持續唔穩定，驟雨會持續至復活節，大家過節出街記得帶遮！

天文台預報，一股清勁至強風程度嘅偏東氣流將會於未來兩三日影響廣東沿岸，為周末至下周三都帶來驟雨及狂風雷暴。

Photo from 香港天文台

聽日天氣稍涼，大致多雲有驟雨，分區氣溫最低只有19度。大家出門要帶遮同著多件衫啦！

Photo from 香港天文台

另外，低壓槽會喺下周初連續幾日，為華南帶來大驟雨同雷暴。下星期二天氣最差，更有狂風雷暴。隨後數天雨勢逐漸減弱，但直到復活節，仍然有幾陣驟雨。

Photo from 香港天文台

Photo from shutterstock

資料來源：香港天文台

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）