3千多個純白鹽田＋大自然仙境泳池！探索神秘國度—秘魯 挑戰海拔5千米彩虹山！

位於南美洲西部嘅秘魯，可能未必係大家旅行首選地，而且距離香港有約近2日嘅飛行行程，對香港人而言陌生又充滿神秘感。以下小編決定為大家介紹呢個擁有無窮古文明特色嘅秘魯，當中嘅絕美景點映入眼簾，令人相當入迷，即使要攀山越洋，都絕對值得到此一遊。

Photo from Pinterest

1. Maras Salt Mines 馬斯拉鹽田
位於秘魯庫斯科嘅Maras鹽梯田非常有特色，由於秘魯地形變化多端，所以特別多富有特色嘅美景。而呢位鹽梯田位於海拔3,000米，早喺印加時代之前已存在。

Photo from Pinterest

來自果里布吉歐溫泉嘅泉水蘊藏非常豐富嘅鹽份，繼而分流至3,000多個鹽田當中，鹽池嘅水分被蒸發後，鹽分會慢慢結晶，成個鹽田會變成一遍純白，相當壯觀！

Photo from Pinterest

由於鹽田會隨氣候變化有所變動，雨季時分鹽田會呈啡黃色，如果大家想一覽白鹽田，就需要喺夏天比較乾旱以及鹽巴收成時分到訪。

Photo from Pinterest

到鹽巴收成時分，已收成嘅鹽池會再次注入泥黃色泉水，因此亦有機會看到白茫茫中一點泥黃，同樣非常靚啊！

Photo from Pinterest

2. Vinicunca 彩虹山
Vinicunca彩虹山位於高海拔5,036米，而且旅遊車只能載乘客到海拔4,500米嘅停車場，其後便需要徒步行，因此非一般人可到達此景點，不過都係「美的東西絕對值得人等待及付出」嘅最好證明。

Photo from Pinterest

彩虹山美景靚得驚豔，彩色砂礫岩層次分明，亦係唔少人一生夢想到達嘅地方，但由於海拔較高，而且涉及徒步行一段路程，所以有興趣嘅朋友也需要量力而為！

Photo from Pinterest

「丹霞地貌」非秘魯彩虹山獨有，位於中國張掖嘅「七彩丹霞」也同樣擁有「丹霞地貌」，而且海拔較低，因此自問體能較差嘅朋友也可以到張掖一覽丹霞地貌。不過秘魯彩虹山除咗絕美嘅丹霞地貌，徒步時所睇到嘅高山景色同樣非常靚！

Photo from Pinterest

而事實上大部分相片都有經過後期處理，真實顏色當然無咁鮮豔奪目，以沉調嘅啡黃色系為主，不過顏色依舊分明，所以都絕對值得到訪飽覽大自然嘅美貌！

Photo from Pinterest

3. Augas Turquesas Millpu 自然泳池
位於秘魯嘅阿亞庫喬大區，就有一個4年前先被發現嘅自然泳池Augas Turquesas Millpu，呢個泳池一層層連綿而成，圍繞附近高山，感覺超夢幻！

Photo from Pinterest

而且水面呈湖水綠色，非常清澈，再加上日光時陽光打落湖面閃閃下，猶如置身仙境一樣啊，非常值得大家攀山涉水到步一看自然奇觀！

Photo from Pinterest

秘魯除咗以上夢幻嘅自然絕景，仲有好多古文明特色建築、歷史蘊藏其中，呢個神秘國度秘魯，絕對要放入人生必訪清單當中！

圖片來源：Pinterest

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）