【化痰兼止咳？】日本推龍角散啤酒！超濃果香無苦澀味 今日起限量發售！

近年龍角散喺香港大受歡迎，只要一有喉嚨痛或作病作感冒，大部分人都有試過以龍角散頂一頂。日本最近有啤酒公司與龍角散合作，推出龍角散啤酒，唔通日後有咩病痛都可以轉飲啤酒解決？！

Photo from warabi.or.jp

呢枝「龍角散啤酒」名為「Dragon Herb Weiss」，由位於日本秋田縣嘅「田澤湖啤酒公司」與「龍角散」合作出品，啤酒同草藥結合，感覺神奇又搞笑！

Photo from warabi.or.jp

「Dragon Herb Weiss」酒精含量5%，根據「田澤湖啤酒公司」嘅簡介，呢款龍角散啤酒果香味較重，苦澀味少，所以男女都應該可以輕鬆飲用！

Photo from warabi.or.jp

而「Dragon Herb Weiss」主要採用麥芽、啤酒花、洋甘菊以及薄荷粉調製而成，草本粉末只係輔助材料，果香味重，再配以淡淡草藥味，感覺並唔難接受。而喺產品發布前，呢款龍角散啤酒仲奪得日本大啤酒獎啤酒展銀獎，絕對值得一試啊！

在 Instagram 查看這則貼文

Shota Watanabe（@shota.watanabe0320）分享的貼文 於 PDT 2019 年 4月 月 5 日 下午 10:00 張貼

講咗咁耐，說到底呢款啤酒有無藥效㗎呢？啤酒廠表示，龍角散啤酒選用草藥粉作輔助作料，同一般喉糖無分別，所以並無實際藥效性，所以平時可以安心飲用啦！

Photo from warabi.or.jp

而早前啤酒廠亦會龍角散啤酒舉行咗品酒會，試飲者表示都係以麥味較重，而淡淡果香會隨後一湧上鼻，非常清新！「Dragon Herb Weiss」將於4月18日正式限量發售啦！有興趣可以到樂天市場嘅田澤湖官網購買，快啲嚟試下啦！

不過未年滿18歲嘅朋友，記住唔好亂咁買酒飲啦！

圖片來源：warabi.or.jp、IG@shota.watanabe0320

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）