【燒烤新法寶】 一叉在手 10條腸仔任你燒！太陽陣式燒烤 唔怕有得燒冇得食

香港人成日畀人話只係識死記硬背，冇創意！事實上，香港人嗰種打不死嘅精神，要快、要方便嘅想法，製造咗好多得意嘅法寶出嚟！

Photo from 逃學威龍2

有公司就研發咗一枝特製燒烤叉。一枝燒烤叉又可以有幾特別？佢嘅特別之處，就係一枝叉可以拮10樣食物！丸類、腸仔等一直係燒嘢食必備之品，人類對呢兩款食物嘅需求都好大，但以前一枝丫叉最多可以拮到6粒魚蛋，再多都拮唔入，拮得入都可能燒燒下跌番出泥～幫人燒又唔夠手，最多每隻手拎到兩枝！不過多數都係拎到燒唔到，咁多枝叉，轉位置又難，一個失手，粒丸/腸仔迅即變炭，燒咗都冇得食！

Photo from Facebook@東尼電機

依家燒烤新法寶，就係一枝燒烤叉有10個丫叉，即係你可以同時燒到10條腸仔/丸子30粒（大概）。一次過燒到咁多，一定唔會畀人一掃而空，咁就唔怕燒完冇時間食/食咗都唔夠攝牙隙啦！

Photo from Facebook@東尼電機

夏天燒嘢食坐咁近火爐，實熱到中暑！好彩呢枝嘢有埋伸縮功能，坐遠啲燒又得，縮番嚟搽蜜糖又得，得咗！

Photo from presslogic

趁天氣未算太熱，快啲約班Friend燒野食，順便試下之叉，一試便知龍與鳳！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）