Selina真的戀愛了？ 同細11歲台灣男星張軒睿拍拖 微博大放閃彈：謝謝你出現在我的生命

S.H.E成員Selina任家萱經歷過9年嘅康復同離婚之後，尋日係大陸綜藝節目《女兒們的戀愛》，宣佈同細11歲嘅台灣男星張軒睿拍拖，仲喺微博大晒閃光燈，相當感人，Fans們都紛紛送上祝福！

Photo from 微博@任家萱Selina

Selina嘅戀情可謂經歷過高山低谷，自從2010年佢經歷燒傷後，當時嘅男朋友張承中照顧無微不止，仲會日日去醫院探佢，之後仲負起做男人嘅責任，將Selina娶為妻，不過兩人嘅婚姻只係維持咗4年。之後張承中被拍到出軌，兩人喺2015年離婚。雖然大家已經再唔係夫妻，不過就變咗做親人，總算都係和平分手。

之後Selina嘅生活就嚟咗一次大洗牌，佢開始鍛鍊身體，喺instagram都有好多關於佢跑步、健身嘅post，比之前活得更積極。

在 Instagram 查看這則貼文

Why I run?讓姊告訴你～ #movewithselina #週末愉快 http://news.nike.com/news/why-i-run-selina-jen?from=singlemessage&isappinstalled=0

♥selina♡（@selinanahaha）分享的貼文 於 PDT 2016 年 10月 月 15 日 上午 8:00 張貼

改變後嘅Selina變得比以前更有女人味，仲吸引到比自己細11歲嘅張軒睿。雖然大家嘅年齡、經濟、身分都好唔同，喺節目中Selina一開頭更表示自己對新戀情卻步，但男方卻無因為咁而放棄，佢仲喺節目中表示：「我現在的能力不足於妳，並不代表我以後就追不上妳，這個我很相信自己。」

Photo from 微博@任家萱Selina

可能就係呢份真心感動到Selina，張軒睿之後喺節目再次向Selina表白，今次Selina終於肯點頭Say Yes!而Selina仲喺節目度向爸爸以「我的男朋友」去介紹張軒睿，正式確立咗兩人拍拖嘅關係。

Photo from 微博@影視圈焦點

節目播出之後，Selina就喺微博發文，而張軒睿之後也有回應，「看到這些照片心裡覺得有點暖[嘻嘻]，這一段旅程，這一段經歷都太過曲折，周遭發生的種種，甚至不敢想像。但慶幸的是，旅程是在對的時間，只要妳開心，一切都值得！！！！！然後，不客氣」兩人你一言我一語，sweet到爆！

Photo from 微博@任家萱Selina

Photo from 微博@張軒睿

Fans們都紛紛送上祝福：「你們真的很配，要幸福地走下去哦」、「這一次一定會狠狠幸福」、「我們的公主就交給你了」等等。

Photo from 微博@任家萱Selina

衷心祝福Selina幸福，希望今次唔係節目效果啦！

Photo from 微博@任家萱Selina

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）