另類遊日！日本美人神社～變靚樣必備「鏡繪馬」！飲「美人水」仲勁過「神仙水」？

日本好多傳統神社，大多都係供人祈福，求健康、學業、事業、愛情等等，但都有神社嘅守護神會聆聽特別嘅訴求！

Photo from shutterstock

好似呢間位於京都嘅神社，十分受女士歡迎，因為同女性有關嘅事都可以嚟呢度求！
無論各位姊妹係想求姻緣、順產、育兒都可以嚟，連想個樣變靚都嚟求得嫁！

Photo from shutterstock

呢間神社最出名嘅就係「鏡繪馬」，因為佢可以幫人變靚靚之餘，仲係一個人樣嘅繪馬～
好多日本少女想長大之後都變靚靚，所以會嚟祈福！相傳祈福嘅時候就喺呢塊「鏡繪馬」上面嘅樣畫成自己想變成嘅樣，再寫上自己嘅名同埋願望，掛上去繪馬牆就會實現願望！

Photo from shimogamo-jinja 官網

Photo from shutterstock

唔止咁呀～呢度仲有樣比神仙水更神奇嘅水，就係「美人水」喇～
「美人水」係神社用秋天金黃色嘅果實加入神水煮成嘅，傳說飲左呢啲「美人水」就會變靚靚嫁喇～想變靚靚嘅話，快啲拉埋姊妹去試吓啦！

Photo from shimogamo-jinja 官網

《河合神社-下鴨神社》
地址：京都市左京區下鴨泉川町59
交通：京都車站前，轉乘4號巴士 或205號巴士至「下鴨神社前」站落車