5項網友熱議 「家姐」最討厭嘅行為！極多雜物但周圍擺／係都要同你爭廁所／冇手尾

雖然大家一家人，但住喺同一屋簷下，唔多唔少都會有啲磨擦。最近就有網民列舉「家姐」討厭嘅行為，引起唔少人認同！睇嚟大家都對「家姐」好大怨言！家姐！快啲睇下自己有冇做到以下嘅事，可能會無意間激嬲細佬妹㗎！

Photo from PressLogic

1. 極多雜物但周圍擺
好多女人都係天生購物狂，每次出街會買一大堆化妝品、上網又會淘一大堆衫、去旅行又會掃一大堆零食。但！係！自己間房點放都係得咁多位，放唔曬啲戰利品，咁點算？唔緊要～咪「放住」喺廳先囉！點知一放就放咗成年，已經落地成根，想叫佢執都執唔到！「家姐」自己間房唔夠用，就霸佔屋企嘅公共空間，令唔少細佬妹都苦不堪言。

應對方案：開佢啲零食、用佢啲化妝品！等「家姐」知道放喺廳嘅嘢就大家都用得，要私藏就要放返入自己房，唔好放喺廳！

Photo from PressLogic

2. 係都要同你爭廁所
女性用廁所都特別耐，睇下女廁條隊都知～用廁所用得耐唔梗要，但「家姐」係都見你就起身去廁所或者就返到屋企去廁所，佢先即刻沖入廁所！點解明明一早返到屋企又唔早啲入廁所，係都要同細佬妹爭呢？

應對方案：唔好透露自己行蹤或者早過你「家姐」返！

Photo from PressLogic

3. 冇手尾
食完嘢唔洗碗、開咗燈又唔熄返、用完啲嘢又周圍擺⋯⋯全部都係等人幫佢執。

Photo from PressLogic

應對方案：唔好理佢

4. 點你做嘢
「家姐」最鍾意威逼細佬妹幫佢做嘢！幫佢買晚餐、幫佢拎淘寶、幫佢開罐頭⋯⋯佢就負責瞓喺牀度碌電話、睇Oppa。

Photo from PressLogic

應對方案：等價交換！佢叫你做嘢，就梗係叫佢請返你食飯／幫你做返啲嘢啦～

Photo from PressLogic

5. 製造噪音
屋企唔係K房，但偏偏啲「家姐」就「No Music! No Life!」，不分晝夜咁開住Oppa啲MV，大聲跟住熱唱；又或者深夜煲劇，喊到「wewewawa」；又或者一早起身洗頭、吹頭，真係敢怒不敢言呀，因為只要你敢提出少少意見，你會死得更慘！

Photo from PressLogic

應對方案：If you can't beat them, join them!買枝「唱K神器」一齊唱啦！

Photo from PressLogic

其實上述嘅自私行為唔淨止局限喺「家姐」到，無論係邊位屋企成員都唔應該咁自私，唔理其他屋企人感受。

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）