更準確計算總重量及耗油量？英公司建議乘客上機前先磅重：減少二氧化碳排放

搭飛機去旅行時，行李受到限制就係人都知，但依個限制嘅用途就唔係係人都知，中間最主要嘅原因其實係希望可以精確計算飛機嘅耗油量。

Photo from PressLogic

不過最近就有指喺英國有一間科技公司Fuel Matrix提出一個可以更精確計算飛機耗油量新方案，依個方法就係加上乘客嘅重量。

Photo from PressLogic

據知，現時嘅航空公司會以男性93 kg及女性75 kg嘅標準嚟計算乘客重量，之後再加上行李重量及載貨量，得到總重量後再計算航程實際所需嘅燃油量。

Photo from Pinterest

不因為乘客嘅體型唔同，所以最後估算嘅乘客總重量總會高過實際重量，導致出現浪費燃油嘅情況。而新方案就建議機場可以喺現有嘅儀器加入磅重嘅裝置，再結合特定嘅軟件計算出飛機最準確嘅載重量以及耗油量！

Photo from Pinterest

當然乘客嘅體重資料會全程保密。

Photo from PressLogic

科技公司又指已有機場已大量收集乘客資料，當中包括私人數據。而佢哋亦正同歐盟《一般資料保護規範》專家合作確保乘客嘅體重資料得到保密，希望此方法能幫航空公司省燃油費，同時減少飛機嘅二氧化碳排放，令飛行更環保。

Photo from Pinterest

雖然喺歐美國家已有唔少航空公司會限制乘客嘅手提行李，仲會喺上機前要求磅重乘客嘅手提行李，不過依個體重限制方法係可以更精準計算燃油量，但唔知會唔會構成歧視呢？

Source

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）