日本新推環保餐具！碗/筷子/碟通通可以食晒落肚 仲有唔同味可以揀

近年唔少人都會提到環保，如部分國際比賽都會引入環保產品，以實行「減膠樽」承諾！

Photo from PressLogic

而最近就有日本公司丸繁製菓株式会社以減少浪費為前提，推出可食用器皿如碟及筷子，以取代傳統即棄餐具。

Photo from 株式会社 丸繁製菓

Photo from 株式会社 丸繁製菓＠facebook

加上佢哋更發現如果食用碟唔好食嘅話，同樣會變成垃圾。所以佢哋為咗可以令大家食飯時連餐具都唔放過之下，特別研發出4種不同口味（蝦味、芋頭、洋蔥及粟米味）嘅食用碟，務求令大家連碟都食埋！

Photo from 株式会社 丸繁製菓

依款食用碟主要以麵粉同粟米澱粉製成，再經過佢哋特製嘅烘培機以高溫定型，令食用碟保持鬆脆口感及高度耐水性。

Photo from 株式会社 丸繁製菓＠facebook

Photo from 株式会社 丸繁製菓＠facebook

相信大家都會覺得口講無憑，所以佢哋更製作耐水實驗，用食用碟盛載液體約1小時都唔會變型或溶解。

所以如果用食用碟盛載雪糕刨冰等嘅甜品都無問題呀！

Photo from 株式会社 丸繁製菓＠facebook

Photo from 株式会社 丸繁製菓＠facebook

除咗食用碗碟之外，佢哋仲同Kumamoto IGSA & Tatami Conference合作，推出可食用筷子。

Photo from 株式会社 丸繁製菓＠facebook

當地主要出產嘅蘭草，向是榻榻米床墊嘅主要材料，不過蘭草除咗可以製作出榻榻米之外，其實佢哋營養價值仲好豐富添，食物纖維相當於60棵生菜裡纖維嘅總和。

Photo from 株式会社 丸繁製菓＠facebook

丸繁製菓嘗試將蘭草同筷子融為一體，可食用筷子會帶清新蘭草香味，就連賣相口感都似百力滋，好用又好食。

Photo from ohashitatami

而且一對筷子更相等於一碗沙律的膳食纖維。

Photo from ohashitatami

至於售價方面，榻榻米高纖筷子5對就要¥2,084。

Photo from 株式会社 丸繁製菓＠facebook

另外，佢哋仲研發緊榻榻米高纖匙羹添。

Photo from 株式会社 丸繁製菓＠facebook

Photo from 株式会社 丸繁製菓＠facebook

睇嚟出埋其他餐具用品應該都無難度喇！

Source：株式会社 丸繁製菓

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）