【Testing123】落雨唔使鞋濕濕? 防水鞋套就搞得掂 小編實試 睇吓係咪真係咁Work

夏天為大地帶來雨水，的確令人好頭痛，除咗要拎住把遮好麻煩之外，仲會好容易整到雙腳都濕晒！所以今次小編阿田就身先士卒，實試呢款只有喺7-Eleven買到嘅「戶外防水鞋套」係咪真係咁得先！

Photo from PressLogic

防水度：★★★★★
防水度方便，阿田都好滿意。因為着咗呢個鞋套之後踩幾廿個水窪，對襪都係得少少濕。如果比着平時踩兩個水窪，隻腳應該由頭濕到落尾。

Photo from PressLogic

舒適度：★★★
由於鞋套用矽膠材料，其實就好似平時洗碗用嗰款手套，質地都會偏厚。如果着住鞋套超過一個鐘嘅話，就已經開始feel到有啲焗腳，所以如果做作短途去用嘅話，都可以諗得過。

Photo from PressLogic

易除度：★★★★
鞋套都比較貼腳，雖然有啲cutting位都未去做得好好，不過行路嘅時候阿田都feel唔到突兀，尚算可以接受。唯獨係着同除嘅時候就需要用啲力，因為個鞋套吸力都幾實。

防滑度：★★★
雖然鞋套嘅底部有凹凸嘅坑紋，可以有防滑嘅作用，但行喺商場呢啲光滑嘅地皮就有啲滑。雖然佢嘅包裝都寫明：光滑地皮瓷磚不宜使用，但對於香港呢啲市區路面就似乎唔太適合。

而鞋套值得一讚嘅地方就係佢有M（35-41）、L（42-45）兩款尺碼，都可以以fit到普遍男、女裝嘅鞋款，而且清洗方便，可以循環再用。

Photo from PressLogic

最後值得改善嘅係，係顏色方面只係得淨黑色就略為有啲悶，如果可以出多啲唔同顏色或者pattern，相信會更吸引人買。另外又久缺咗童裝鞋款嘅尺碼，唔夠細心。

戶外防水鞋套
價值：$59
銷售點：7-Eleven

?【Testing123】懶人必備除皺噴霧 噴幾下再拉幾下就直無晒皺痕！幾啱趕住出門先發現件衫皺晒嘅情況

?【Testing123】實測最新推出運動相機DJI Osmo Action！幾啱旅行鍾意自拍/拍Vlog嘅朋友～

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）