超懸疑電影《作家的謊言：筆忠誘罪》！近年難得一見港產懸疑片小品～結局超反轉！

人氣網絡作家「向西村上春樹」，之前兩部小說改編嘅電影反應都不俗，
而今年亦都即將推出三部曲最終章-《作家的謊言：筆忠誘罪》！
而風格亦有別於之前兩部電影！

上星期就舉行咗網民試映會，完場之後觀眾評價極高！
一齊嚟睇下今次最終章有咩唔同先～

故事講述作家徐哲同太太Jeana、仔仔本來有個幸福美滿家庭，
但自從樓上性感租客勾引徐哲成為佢嘅情婦之後，背後原來竟然有一個驚天大陰謀⋯⋯

如果有留意開「向西作品」嘅觀眾，可能都會以為故事會一貫以前嘅風格，用情色角度描述故事，
但睇到大約三分一，劇情已經峰迴路轉！
可以話最性感嘅部分都差不多喺預告已經睇曬喇～

故事懸疑得嚟情節層層推進，絕無冷場！
觀眾都會為故事發展而緊張，小編睇到手汗都出埋～

劇情喺港產片嚟講都算新鮮，而且節奏明快，
好快就進入主線，而且用特別角度嚟描述香港人對婚姻睇法！
何佩瑜演技進步不少，臨尾大爆發真係睇到觀眾都驚埋一份～

特別一提農夫雖然係配角，但都為電影生色不少！
雖然只係短短幾幕，但都足以令觀眾捧腹大笑，農夫喜劇功力真係好勁！

呢套電影色情鏡頭都唔算太多，男女都啱睇～
真係值得入場支持呀！

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）