【集氣成功】歐陽波比終於客串《愛回家》！以祝枝山造型登場 穿越時空與群姐相見～

有追開《愛回家之開心速遞》觀眾都知群姐最愛「歐陽波比」，喺劇中不時對「歐陽波比」嘅紙板表達愛意～

而觀眾都好想歐陽震華加入《愛回家》劇組，同群姐對戲，實現群姐見偶像歐陽Bobby嘅心願！

Photo from tvb

Photo from tvb

之前更有廣告搵嚟佢哋兩個合體，拍母親節特輯。而歐陽震華都有去到《愛回家》劇組「打卡」簽名，令人好期待佢哋喺劇中合作。

Photo from 李綺華微博

呢個願望終於都實現喇！琴日歐陽震華喺微博post咗一張同熊家嘅大合照，仲話：「為何「祝枝山」會出現在｛愛回家｝？謎底即將解開........ ​​​​」

Photo from 歐陽震華微博

相入面歐陽震華著住一身古裝，以《金裝四大才子》祝枝山造型現身～

Photo from 歐陽震華微博

熊家都好齊人，有熊樹根、熊樹仁、尚善、水水、心如、安仔等人，值得留意嘅係池美麗都喺熊家大合照入面。

睇嚟歐陽波比真係客串出演啊！不過相入面就唔見大家最期待嘅群姐，唔知佢哋會唔會有對手戲呢？

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）