【週末好去處】為慶祝國際博物館日 近40間博物館18、19號免費開放

為咗慶祝「2019香港國際博物館日」，香港多間博物館會喺今個週末免費開放。

「2019香港國際博物館日」會喺18、19號兩日舉行，呢兩日康樂及文化事務署轄下嘅博物館會免費開放，亦會舉辦各種活動同節目。

Photo from 香港旅遊發展局

除咗康樂及文化事務署轄下嘅博物館包括香港歷史博物館、香港文化博物館、香港科學館、香港太空館、香港鐵路博物館、李鄭屋漢墓博物館等會參與國際博物館日活動外，其他參與博物館仲有香港中文大學文物館、香港海事博物館、香港文物探知館、饒宗頤文化館等。

Photo from 香港旅遊發展局

Photo from 香港旅遊發展局

屆時會有唔同特別節目舉行：

香港歷史博物館於5月19日舉行「幻彩燈箱動手做」工作坊；香港科學館於5月18日舉行「元素的真性情」科學示範；香港醫學博物館於5月19日舉辦「麻疹、濕疹、蕁麻疹」健康講座等。

Photo from 香港旅遊發展局

大家今個星期六、日又有好去處啦～

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）