一秒嬲嬲豬！5個會激嬲旅伴嘅自私行為～遲10分鐘！/借嚟用下吖～/好悶呀呢度！

最近大家都可能會同朋友一齊去grad trip或者襯住假期同同學一齊去旅行。

Photo from PressLogic

但同朋友去旅行唔同同屋企人去，你自私嘅行為可能會令你去完個旅行返嚟之後冇咗班朋友。大家一齊睇下自己有冇做到呢啲行為。

1. 遲到王

遲到王平時出街返學例遲都算，但去旅行遲到真係好難頂！有時前一日講好咗9點起身，10點出發，遲到王就10點先起身慢慢梳頭化妝，因為佢一個人，全日嘅Schedule推遲曬，真係好冇癮！

Photo from PressLogic

呢啲冇時時間觀念嘅朋友輕則會令你miss咗班地鐵，重則令你miss埋班飛機。

有遲到習慣嘅朋友，去旅行記得較多幾個鬧鐘，唔好令朋友因為你嘅遲到而跟唔到行程呀～

Photo from PressLogic

2. 污糟貓

相見好同住難，有啲朋友平時見佢整整齊齊，點知一齊去旅行先知佢好「污Wer」，啲垃圾亂咁掉、食完零食又唔執返好、自己啲底衫衫褲又唔收好，當酒店係屋企！有時真係好想大聲同佢講：呢到唔係你屋企，我地唔係你工人呀！！

Photo from PressLogic

3. 咩都冇帶 咩都問你「借」

去旅行有人會選擇輕便啲，但有啲人就太輕便，咩都冇帶！尿袋、紙巾、水樽、叉電器咩都問人借。呢啲野借俾你冇咩所謂，但有啲人連化妝品、護膚品、錢都冇帶，要問你「借」，借得多真係會嬲嬲地。

Photo from PressLogic

4. Freerider

有啲朋友成日以忙就籍口，出發之前完全唔會幫手plan行程、book機票、book酒店，去到旅行又唔會幫手搵路。問佢有咩意見，佢又俾唔到有用嘅意見，同佢去旅行儼如同緊一個公仔去旅行咁，越去越燥呀～！！

Photo from PressLogic

5. 抱怨多投訴又多

有啲朋友好鍾意埋怨，「點解要去呢度呀」、「好悶呀呢度」、「幾時走呀」等等呢啲都係佢地口頭禪，又唔幫手又要喺度投訴，真係好嬲～最嬲係佢地仲會一路玩手機一路埋怨，真係好想掉佢部電話落垃圾桶呀！

Photo from PressLogic

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）