【友情考驗】被蔡少芬大聲喝罵 陳法蓉提11年前心結忍唔住落淚

就算幾好姊妹都可能會有一啲屈咗喺心入面好耐、唔敢講出嚟嘅心結。可能怕會傷感情，又或者怕尷尬唔敢提出嚟。

Photo from 我最愛的女人們

蔡少芬同陳法蓉呢對好姊妹，一個1991年港姐季軍；一個1989年港姐冠軍。佢地最近上內地節目《我最愛的女人們》重提11年前蔡少芬婚禮發生嘅一個心結。

Photo from 蔡少芬微博

11年前，陳法蓉應邀出席蔡少芬婚禮，佢仲車埋一班朋友，但就被傳媒跟到。因為咁，蔡少芬就嬲咗，仲大聲喝陳法蓉。但因為陳法蓉覺得嗰日係蔡少芬大日子所以冇講出嚟，屈埋喺心入面11年。

Photo from 我最愛的女人們

陳法蓉喺節目重提嘅時候就話因為嗰次係蔡少芬第一次向佢發脾氣，所以佢印象好深刻，佢仲一時感觸喊咗出嚟。

Photo from 我最愛的女人們

蔡少芬都有解釋，因為當時佢同張晉嘅婚事唔被外界睇好，所以佢嘅壓力好大，忍唔住發脾氣。

Photo from 蔡少芬微博

好姊妹唔多唔少都會有呢啲情況發生，但只要多啲諒解，呢個心結總有一日會解開。所以有咩心結都唔好自己屈埋喺心，試吓同對方講，或者對方其實係冇心發你脾氣。

Photo from 蔡少芬微博

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）