陳鍵鋒報讀神學課程 因宗教信仰唔演鬼怪及反派角色

無出演香港電視劇好耐嘅陳鍵鋒，其實生活得好充實，更擔任急救講師。

佢曾任紅十字會青少年大使，除咗識急救，仲識拯溺、護理、聾啞手語等專業知識。

Photo from 陳鍵鋒IG

最近佢更報讀神學課程，為期四年。呢個課程喺芝加哥開辦，喺香港遙距上堂。

不過佢就話讀完之後未必會做牧師，佢表示讀神學最主要係想擴闊視野，加上屋企五代都係基督徒，讀神學係回應天父嘅呼召。

Photo from 陳鍵鋒IG

信基督教嘅佢雖然係演員，但因為宗教嘅關係，唔會接鬼怪同反派角色，講粗口角色都會盡量避免。

Photo from 陳鍵鋒IG

而陳鍵鋒即將要返內地拍網劇《封神萬仙之戰》，佢飾演二郎神，佢表示：「二郎神角色因為係民間故事，所以拍。」

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）