余德丞重提踢波昏迷 得知手術後不能再做運動即淚如雨下！

余德丞（Dickson) 上年8月踢波突然昏迷，渡過驚險48小時後終於跨過鬼門關！佢喺節目《如果這樣生活》再次提起，憶述當時踢波嘅時候已經Feel 到唔舒服，主動提出換人！「我相信，我本身係想休息一吓～合埋眼，飲啖水就無嘢！點知一開眼已經係2日之後。」

Photo from 《如果這樣生活》

Photo from IG@yuduck

完成手術之後，醫生同佢講可能以後都唔可以做運動嘅時候，「我表面上好似冇乜嘢，但心裡面非常難受。」「我由細到大，小學開始就好鍾意運動...我仲想喺球場上搏命，如果唔可以再踢嘅話，人生就好似冇咩意義咁？但諗返轉頭，如果執返條命，只能選擇條命或者運動，咁冇辦法，你都要揀條命！因為我要對自己同屋企人負責任。所以一定要接受呢件事咖！」佢一喊，就好似釋放一直擺咗喺心嘅鬱結， 場面令人心痛。

Photo from 《如果這樣生活》

Photo from 《如果這樣生活》

Photo from 《如果這樣生活》

佢又提到從休克一事發現自己有心律不正！「正常嘅心跳率係70/80下，但我嗰陣係跳到300幾下！」作為觀眾聽到都嚇親，更何況佢媽咪！佢曾經喺自己嘅IG話，身邊嘅人都因此學做CPR（心肺復甦），更成為唔少醫護團體嘅「救心大使」/「心律大使」添～

Dickson入行前係游泳健將，平時鍾意踢吓波咁～好希望Dickson可以盡快養好身體，繼續做自己鍾意做嘅事啦～

Photo from 《如果這樣生活》

Photo from 《如果這樣生活》

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）