必Save落清單！3個東京鐵塔超靚影相位：超私藏精選打卡點分享！！

作為東京最具標誌性建築物之一嘅東京鐵塔，相信係大家去東京必到嘅朝聖、打卡點！但到底邊個角度先可以影到東京鐵塔最靚嘅一面？一齊嚟睇下小編私藏嘅3個必到打卡點啦！！

Photo from PressLogic

打卡點嘅位置都係喺東京鐵塔附近，基本上步行就可以到達。更重要嘅係：呢3個位置影出嚟嘅相，係完全唔同風貌嘅東京鐵塔！

Photo from 歐奇羅賓的攝影漫步 @ Blog 授權使用

1）東京鐵塔地下停車場出入口樓梯

距離東京鐵塔只有3分鐘路程嘅停車場出入口樓梯，係日本人私藏嘅絕密打卡點！只要打開 Google 地圖，輸入「東京タワー地下駐車場階段」，地圖就會顯示呢個絕密拍攝位置。

Photo from 歐奇羅賓的攝影漫步 @ Blog 授權使用

充滿延伸感嘅樓梯，加埋高聳的東京鐵塔，影出嚟特別有Feel之餘，呢度嘅人流仲相對較少！

Photo from 歐奇羅賓的攝影漫步 @ Blog 授權使用

又或者運用高低落差，影出東京鐵塔同人物剪影，都係另一種打卡方法！

Photo from 歐奇羅賓的攝影漫步 @ Blog 授權使用

但由於係地下停車場出入口，所以呢區係禁止使用腳架！影相嘅時候亦要注意唔好影響到行人，要優先禮讓行人使用通道。

2）增上寺

位於港區芝公園內嘅增上寺，係另一個最佳拍攝東京鐵塔嘅好地方！因為呢度可以影到筆直向前嘅車道，同兩旁嘅綠樹林蔭～無論係日頭定夜晚嚟，景色一樣都係咁迷人！

Photo from PressLogic

雖然呢個拍攝點只有少量車會經過，但影相嘅時候都要注意安全！唔好亂咁走出馬路口啊！

Photo from 歐奇羅賓的攝影漫步 @ Blog 授權使用

3）東京鐵塔車軌夜景

如果想影東京鐵塔夜色繁華一面嘅話，位於赤羽橋地鐵站附近嘅呢個馬路分隔島，就係最好嘅選擇！分隔島寬度約兩公尺，要上腳架絕對沒問題，只係汽車會喺兩側一直經過。東京鐵塔喺畫面嘅正前方，搭配兩旁嘅車軌，唔單止可以影哂成個鐵塔，仲盡顯東京繁華鬧市嘅一面！

Photo from PressLogic

睇完呢3個私藏嘅必到打卡點，係咪即刻有種想飛到東京嘅感覺呢～下次去日本，記得試下去呢幾個地方，發掘不一樣的東京啦！

圖片來源：Or Travel x 歐奇羅賓的攝影漫步 授權使用

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）