5個想做返學生嘅Moment～最想念的一定是學生優惠！

雖然人大咗會自由咗，但總有幾個Moment你會想做返學生！睇下有冇中？

Photo from PressLogic

1. 食晏、搭車、睇戲、唱K都冇學生優惠了

以前做學生，做咩都有學生價，睇戲、唱K好多都平一半，真係好抵！以前諗唔到做咩，就會去唱K，反正唔貴！

但而家冇咗學生優惠，做咩都貴咗好多！比錢嘅呢一刻就會想做返個學生了～

2. 7 、8月再冇得放暑假了

Photo from PressLogic

畢咗業就再冇暑期、sem break呢樣嘢了！大家淨係得返十幾廿日嘅年假，當你見到7、8月啲學生出曬嚟玩，你就會特別羨慕佢地，想做返一個無憂無慮嘅學生喇。

3. 朝早起身要諗著咩衫

做學生唔洗每朝起身諗著咩衫、咩髮型、更加唔洗諗化唔化妝好。一起身笠件校服，扎個馬尾就出得門口，慳錢慳力慳時間。

Photo from PressLogic

而家出嚟做嘢，冇得再著校服，每日都要花時間去襯衫、set頭、化妝，呢個moment真係好想做返學生！

4. Ocamp

相信好多人都體驗過Ocamp嘅嗰種熱血～可能你當時會覺得呢種「熱血」只係圍威喂又或者你真心覺得好enjoy。

Photo from PressLogic

但畢咗業，你再冇機會玩Ocamp，當你見到一班「綠house」嘅大學生喺你身邊經過、同路人做mission，你可能都會諗返起當年同樣熱血嘅你，然後會心微笑。

5. 見到學生做功課、背書

細個覺得做功課、背書、溫書呢啲係苦差，避得就避！但當你而家出街見到啲學生喺度背書、討論功課，你會唔會都覺得原來當年以為好難嘅事，其實好簡單，全部都有model answer，比起做功課，做人、返工就難得多。

你會希望如果做人同做功課一樣咁簡單就好了。

Photo from PressLogic

仲有咩moment你會想做返學生呢？

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）