【Testing123】居家旅行必備：超迷你熨斗！1分鐘預熱即熨＋具備無線功能＋防靜電

唔知大家有無熨衫嘅習慣呢？有時洗完嘅衫，或者擺咗喺衣櫃一段日子嘅衫，一拎出嚟就會變到皺掹掹，著上身真係超肉酸呀！如果用傳統熨斗／蒸氣熨斗，又要Set一大輪先熨到一件衫，真係太費時失事啦～想輕鬆啲，有唔少人都會選用迷你熨斗，貪佢細細部喺空間狹小嘅情況都可以用～今次小編啤娜就揾到一部超迷你熨斗，據講充電只需一分鐘，仲可以無線操作，一齊嚟睇下佢嘅功能係點啦！！

呢個超迷你熨斗，外型只係得半隻手掌咁大，絕對係非常方便攜帶！隨盒仲會附送一個噴水樽，方便大家喺熨之前用嚟噴濕件衫～雖然熨斗支援國際電壓 110V〜240V，但由於係台灣製造嘅品牌關係，所以插頭係兩腳插，用嘅時候就要自行配備返轉插。

Photo from PressLogic

等我用呢條咁皺嘅裙試下先！未熨之前，可以見到成條裙都係充滿好多褶痕～

Photo from PressLogic

熨衫前就先將要熨嘅衣物噴濕，大概只係幾秒鐘時間，原本噴濕咗位置已經瞬間變乾咗！熱力比想像中強得多，估唔到一熨就直，效果非常唔錯！重點係熨斗體積細之餘亦唔會好重，只係重600g咋～

Photo from PressLogic

熨咗2分半鐘度，原本皺掹掹嘅左邊已經變得好直，好平滑。相反無熨過嘅右邊就仍然充滿住皺褶～

Photo from PressLogic

超迷你熨斗嘅另一大特點係佢仲可以「無線操作」，充電時間約一分鐘就用到，而且平熨同掛熨都得！唔洗好似傳統熨斗咁一定要開張熨衫板先得，真係夠哂方便！熨斗底板採用高級鈦合金製造，仲可以防靜電㗎～

Photo from PressLogic

小編實測試後感：整體嚟講，呢個超迷你熨斗嘅優點都幾多，最吸引啤娜嘅當然係佢嘅輕巧外型同超強熱力！細細部夠哂慳位，又方便攜帶，絕對係居家、旅行都好啱用嘅好物！如果屋企地方唔大，又需要成日熨衫嘅朋友就啱哂啦～～

TSL 超迷你無線掌上型熨斗
售價：港幣 $299
銷售點：She goes to seoul 

?【Testing123】旅行必備－體積超細嘅迷你掌型風筒！方便收納＋機身僅重184g＋國際電壓轉換！

?【Testing123】落雨唔使鞋濕濕? 防水鞋套就搞得掂 小編實試 睇吓係咪真係咁Work

?【Testing123】懶人必備除皺噴霧 噴幾下再拉幾下就直無晒皺痕！幾啱趕住出門先發現件衫皺晒嘅情況